Food Tips : या गोष्टी दह्यासोबत खाल्यास आरोग्यास धोका

ऋतू कोणताही असो पण जेवताना एक कप दही मिळाले की, जेवणाची लज्जत वाढते. व्हीटॅमिन बी २, व्हीटॅमिन बी १२, कॅल्शियम, मॅग्नेशियम व पोटॅशियम अशा गुणधर्मांनी परीपूर्ण दही आरोग्य व त्वचेसाठी प्रभावी आहे. प्रोबोयोटिकयुक्त दही असे तर आरोग्यदायी असले तरी दह्यासोबत किंवा दही खाल्याबरोबर काही पदार्थ खाल्यास त्या आरोग्यास धोकादायक ठरू शकते. अशा वेळी अपल्याला थोडे सतर्क राहण्याची आवश्यकता आहे.

चला जाणून घेऊया ते पदार्थ कोणते

दही खाल्यावर लगेच खाऊ नयेत असे पदार्थ

मासे

आयुर्वेदानुसार अत्याधिक प्रोटीन असणारे पदार्थ एकाच वेळी खाऊ नये. दही आणि मासे दोन्हीतही भरपूर प्रमाणात प्रोटीन असल्याने हे एकत्र खाल्याने त्वचा व अपचनाची समस्या होऊ शकतात.

दूध

दूध आणि दह्याचे नाव सोबत घेतले जाते पण सोबत खाऊ शकत नाही. दही खाल्याबरोबर दूध पिल्यास ॲसिडिटी, मळमळणे, छातीत जळजळणे, पोट फुगणे व लूज मोशन असे त्रास होऊ शकतात. शिवाय दूध व दह्यात फॅट्स भरपूर असल्यानेही ते एकत्र खाऊ नये.

आंबा

दह्यावर लगेच आंबा खाल्यावर शरीरात टॉक्सीन्स होऊ शकतात. या फूड कॉम्बिनेशनने ॲलर्जी होऊ शकते.

कांदा

जेवताना दही व कांदा घेणे किंवा कांद्यात दही टाकून कोशिंबिर, रायता बनवे चुकिची निवड ठरू शकते. दही थंड तर कांदा गरम गुणधर्माचा असल्याने हे एकत्र खाणे चुकीचे आहे. यामुळे त्वचेची ॲलर्जी, रिॲक्शन होऊ शकते.

तळलेले पदार्थ

दही खाल्यावर तळलेल्या पदार्थांपासून दूर राहणेच योग्य ठरते. यामुळे पचनक्रिया मंदावते व पोटात गडबड होते.