रशिया अमेरिकेवर अणुबॉम्ब टाकेल का? Research मध्ये धक्कादायक खुलासा!

रशियाने युक्रेनवर केलेल्या हल्ल्यामुळे अनेकांची काळजी वाढली आहे. अनेकांनी या युद्धाचा निषेध केला आहे. महत्वाचे म्हणजे या युद्धामुळे अमेरिकन नागरीकांना वेगळीच चिंता सतावते आहे. त्यांना वाटतेय की अमेरिका थेट संघर्षात सहभाही होईल. तसेच अणवस्त्रांचाही वापर केला जाईल. याबाबत नुकतेच एक सर्वेक्षण करण्यात आले. त्यात शीतयुद्धाच्या काळातील चिंतेची पातळी वाढल्याचे दाखवले आहे. असोसिएटेड प्रेस-एनओआरसी सेंटर फॉर पब्लिक अफेयर्स रिसर्चने याबाबत सर्वेक्षण केले आहे. त्यांच्या नवीन सर्वेक्षणानुसार, जवळजवळ निम्म्या अमेरिकन लोकांना रशिया थेट अमेरिकेला अण्वस्त्रांसह लक्ष्य करेल, अशी चिंता वाटते आहे.

पुतिन यांनी देशातील अण्वस्त्रांना हाय अलर्टवर ठेवले आहे

एजन्सीच्या वृत्तानुसार, रशियाचे अध्यक्ष व्लादिमीर पुतिन यांनी 24 फेब्रुवारीनंतर आपल्या देशाच्या आण्विक सैन्याला लगेचच हाय अलर्टवर ठेवले आहे. त्यामुळे अंदाजे 10 पैकी 9 अमेरिकन नागरिकांना चिंता वाटत असून पुतिन युक्रेनविरूद्ध अण्वस्त्र वापरू शकतात, असे त्यांचे म्हणणे आहे. रशियाने युक्रेनसोबत केलेल्या युद्धामुळे जगात कुठेही अण्वस्त्रांचा वापर होण्याची शक्यता वाढली आहे, असे 71 टक्के अमेरिकनांचे म्हणणे आहे.

उत्तर कोरियामुळेही आहे तणाव

उत्तर कोरियाने आपल्या सर्वात मोठ्या आंतरखंडीय क्षेपणास्त्राच्या चाचणीपूर्वी शुक्रवारी हे सर्वेक्षण केले. सर्वेक्षणात दिसून आले आहे की 51 टक्के अमेरिकन लोकांनी उत्तर कोरियाच्या आण्विक कार्यक्रमामुळे अमेरिकेला धोका वाढल्याने आम्हाला खूप चिंता असल्याचे सांगितले.