अमेरिकेत जन्मदरात झाली घट; वाचा सविस्तर

वॉशिंग्टन - अमेरिकेत गेल्या वर्षी बाळांच्या जन्माचे प्रमाण घटल्याने जन्मदरात ३५ वर्षांत प्रथमच मोठी घट नोंदविली गेली. देशात २०१९ मध्ये ३७ लाख ५० हजार नवजात अर्भके जन्माला आली. हे प्रमाण याआधीच्या वर्षापेक्षा एक टक्क्याने कमी आहे.

ताज्या बातम्यांसाठी डाऊनलोड करा ई-सकाळचे ऍप 

जगभरातील इतर बातम्यांसाठी येथे क्लिक करा 

प्रजनन दर घसरला
‘सेंटर फॉर डिसिज कंट्रोल अँड प्रिव्हेंशन्स नॅशनल सेंटर फॉर हेल्थ स्टॅटिस्टिक्स’ने ही आकडेवारी नुकतीच जाहीर केली आहे. १५ ते ४४ वर्ष वयोगटातील एक हजार महिलांमागे प्रजनन दर २ ते ५०.२ टक्क्यांपर्यंत घसरला आहे. अमेरिकेतील जन्मदाराची नोंद ठेवण्यास सरकारने १९०९ पासून सुरुवात झाली. तेव्हापासून जन्मदराचा ही नीचांक आहे.

करुन दाखवलं! चीनमध्ये एकही नवा कोरोना रुग्ण नाही

आर्थिक असुरक्षितता
अमेरिकेत २००७-२००९मध्ये महामंदी होती, तेव्हापासून येथील प्रसूतींची संख्या कमी होण्यास सुरुवात झाली होती. देशातील अर्थव्यवस्था पुन्हा गतिमान झाली तरी बाळ जन्माला घालण्याच्या मानसिकतेत फारसा बदल झाला नाही. १९८१ ते १९९६ मध्ये जन्माला आलेल्या पिढीला कौटुंबिक व्यवस्थेत फारसे स्वारस्य नसल्याचे दिसते. अर्थतज्ज्ञांच्या मते याचे कारण म्हणजे आधीच्या पिढीत आर्थिक स्थैर्य होते. मात्र या पिढीला आर्थिक असुरक्षिततेची चिंता भेडसावत असते. याचा परिणाम जन्मदरात घट होण्यात झाला आहे, असे ऱ्होड आयर्लंड विद्यापीठातील प्राध्यापक मेलानी ब्राशेर यांनी सांगितले.

या देशाला सतावतेय कोरोना विषाणूचं नवं केंद्रस्थान बनण्याची भीती

सध्या कोरोनाव्हायरसच्या जागतिक साथीने अमेरिकेची अर्थव्यवस्थेवर ताण आला आहे. या मुळे येत्या काळात येथील जन्मदर आणखी घसरण्याची शक्यता तज्ज्ञ व्यक्त करीत आहेत. यामुळे लोकसंख्येतील वयोगटातील समतोल राखण्यासाठी तारेवरची कसरत करावी लागणार आहे.
- मेलानी ब्राशेर,  साहाय्यक प्राध्यापक, ऱ्होड आयर्लंड विद्यापीठात