12 लाख खर्च करुन माणूस बनला चक्क कुत्रा

माणसाच्या डोक्यात कधी काय येईल याची शाश्वती नाही. माणसाची कल्पनाशक्ती हीच त्याची ताकद आहे पण कधी कधी ज्या गोष्टी आपण कल्पनाही करु शकत नाही त्या गोष्टी माणूस करुन दाखवतो. याचं ताजं उदाहरण म्हणजे जपानमधील एक व्यक्ती.

या व्यक्तीला (Japanese Man) सतत आपण कुत्रा (Dog) व्हावे असे वाटत असे. त्यामुळे या व्यक्तीने चक्क 12 लाख रुपये खर्च करुन स्वत:ला कुत्रा बनवून घेतले. टोको असे या व्यक्तीचे नाव आहे. टोकोने आपल्या ट्विटरवर काही फोटो शेअर केले आहेत. सध्या सोशल मीडियावर हा चर्चेचा विषय बनलाय. (By spending 12 lakh rs Japanese Man Becomes Dog)

एक जपानमधील कुत्र्याची प्रजाती कुली आहे. या कुलीचे रूप या माणसाने घेतले आहे. तर जेपेट (Zeppet) नावाच्या कंपनीने या व्यक्तीच्या रूपात बदल केला. जेपेट चित्रपट, व्यावसायिक मनोरंजन आणि इतरही काही सेवा देते. जपानमधील पात्राच्या भूमिकेनुसार वेषभुषाही करते.

खरं तर या व्यक्तीची इच्छा होती की आपण आयुष्यात एकदा तरी कुत्र्यासारखे व्हायचे. त्याने १२ लाख खर्च करुन त्याची इच्छा पुर्ण केली. हा वेष बनविण्यासाठी जवळपास 40 दिवस लागले.सध्या या जपानच्या व्यक्तीची सोशल मीडियावर चर्चा होतेय.