पवित्र संदूक वाचवण्यासाठी धावले, 800 भाविकांचा मृत्यू

अदीस अबाबा - इथोपियामध्ये एका पवित्र अशा Ark of covenant ला वाचवण्यासाठी शेकडो लोकांनी प्राण गमावले आहेत. इथोपियातील तिगरे क्षेत्रात सेंट मेरी चर्चमध्ये कडक सुरक्षा रक्षकांच्या कवचात ही 'संदूक' ठेवली जाते आणि ख्रिश्चन धर्मात ही खूपच पवित्र अशी मानली जाते. इथोपियामध्ये सेंट मेरी चर्चजवळ तब्बल 800 लोकांना मारण्यात आलं असून अनेक दिवस त्यांचे मृतदेह रस्त्यावर पडले होते असं वृत्त तिथल्या स्थानिक माध्यमांनी दिलं आहे. 

गेटू माक नावाच्या एका लेक्चररने सांगितलं की, इथली परिस्थिती खूपच भयानक आहे. जेव्हा लोकांनी गन फायरिंगचा आवाज ऐकला तेव्हा ते चर्चच्या दिशने धावले. त्याठिकाणी असलेल्यांना मदत करता येईल. तिथल्या पवित्र पेटीची सुरक्षा करता येईल हा त्यांचा उद्देश होता. मात्र यामध्ये अनेक लोकांना त्यांचा जीव गमवावा लागला आहे.

हे वाचा - भारतासाठी श्रीलंकेनं पाकिस्तानचे PM इम्रान खान यांना दिला दणका

इथोपियात ही घटना नोव्हेंबरमध्ये घडली होती आणि तेव्हा पंतप्रधान अॅबे अहमद यांनी इंटरनेट आणि मोबाइल नेटवर्क बंद करण्यात आलं होतं. त्यानंतर इथोपियाचा जगाशी असलेला संपर्क बंद झाला होता. आता इंटरनेट हळू हळू पुर्ववत केलं जात आहे. माक यांनी म्हटलं की, नोव्हेंबरमध्ये या भागात तणावाचं वातावरण होतं. तसंच लोकांच्या मनात भीतीही होती की पवित्र अशा पेटीला इतर शहरात नेलं जाईल आणि ती नष्टही केली जाईल. हल्लेखोरांनी कोणत्याही प्रकारची दयामाया न दाखवता आडवं येणाऱ्या लोकांवर गोळीबार केला. 

अहमद सत्तेत येण्याआधी इथोपियामध्ये 27 वर्षे तिगरे पीपुल्स लिबरेशन आर्मीची सत्ता होती. तिगरे भागातील लोकसंख्या ही देशाच्या एकूण लोकसंख्येच्या सहा टक्के इतकी आहे. मात्र या भागातील लोकांचे राष्ट्रीय राजकारणावर वर्चस्व राहिलं आहे. पण यांची सत्ता असताना मोठ्या प्रमाणावर भ्रष्टाचार आणि मानवाधिकाराचे उल्लंघन झाल्याच्या घटनाही घडल्या आहेत. 

हे वाचा - चीनची राजकीय खेळी, स्वतःच्या नागरिकांपेक्षा जगाला कोरोना लस पुरवण्यासाठी खटपट

इथोपियाचे पंतप्रधान अॅबे अहमद यांनी तिगरे भागात लष्कारच्या एका तळावर हल्ल्यानंतर या भागात लष्कराला कारवाई करण्याचे आदेश दिले होते. पंतप्रधानांनी लष्कराला दिलेल्या आदेशानंतर तिगरे भागातील प्रमुख पक्षाने तिथल्या सुरक्षा दलांना लष्कराच्या चौकीवर ताबा मिळवण्याचे आदेश दिले होते. स्थानिक दलांनी लष्कराची शस्त्रे ताब्यात घेऊन सैनिकांना बंदी बनवलं होतं. त्यानंतर देशात गृहयुद्धाची परिस्थिती निर्माण झाली होती. तसंच कोरोनामुळे परिस्थिती आणखी बिघडली.