Crises In Sri Lanka : श्रीलंकेतील भारतीयांसाठी हेल्पलाईन नंबर जारी| Crises | Sakal
sakal

बोलून बातमी शोधा

Sri Lanka financial crisis

Crises In Sri Lanka : श्रीलंकेतील भारतीयांसाठी हेल्पलाईन नंबर जारी

कोलंबो : आर्थिक संकटांचा सामना करणाऱ्या श्रीलंकेतील परिस्थिती दिवसेंदिवस अधिक हिंसक होत चालली आहे. त्यात पंतप्रधान महिंद्रा राजपक्षे (Mahindra Rajpakshe) यांच्या राजीनाम्यानंतर श्रीलंकेत मोठ्या प्रमाणात हिंसाचार उसळला आहे. यामध्ये अनेक नागरिकांचा मृत्यू झाला आहे. अनेक ठिकाणी हिंसक झालेल्या आंदोलकांनी (Protest) नेत्यांची घरेदेखील पेटवून दिल्याच्या घटना समोर आल्या आहेत. दरम्यान, दिवसेंदिवस हिंसक होत चाललेल्या परिस्थितीनंतर श्रीलंकेत अडकलेल्या भारतीय नागरिकांसाठी हेल्पलाईन नंबर जारी केले आहेत. (Sri Lanka Crises News)

हेही वाचा: प्रख्यात संतूरवादक पं. शिवकुमार शर्मा यांचं निधन

भारत सरकारकडून श्रीलंकेत अडकलेल्या भारतीयांच्या सुरक्षितेसाठी (Indians In Sri Lanka) श्रीलंकेची राजधानी कोलंबो येथील भारतीय दूतावासाचा हेल्पलाइन क्रमांक आणि मेल आयडी जारी केला आहे. भारताच्या सागरी सीमेवर असलेल्या श्रीलंकेत मोठ्या संख्येने दक्षिण भारतीय लोक राहतात मात्र, पंतप्रधानांच्या राजीनाम्यानंतर उसळलेल्या हिंसक घटनामुळे भारतातील अनेक कुटुंबियांनी श्रीलंकेत अडकलेल्या प्रियजनांबाबत काळजी व्यक्त करण्यास सुरू केली आहे.

हेही वाचा: पुलित्झर पुरस्काराची घोषणा: भारतातील पत्रकारांचा समावेश; पाहा यादी

श्रीलंकेतील भारतीयांसाठी हेल्पलाइन क्रमांक आणि ईमेल

श्रीलंकेत अडकलेल्या भारतीयांसाठी हेल्पलाइन क्रमांक भारत सरकारने जारी केले आहेत. तसेच तेथील परिस्थितीवर भारत सरकार बारकाईने लक्ष ठेवून आहे, असे परराष्ट्र मंत्रालयाकडून स्पष्ट करण्यात आले असून, श्रीलंकेत अडकलेल्या भारतीयांनी +94-773727832 या हेल्पलाइन क्रमांकावर आणि कोलंबोतील भारतीय दूतावासाच्या cons.colombo@mea.gov.in मेल आयडीवर संपर्क करावा असे आवाहन परराष्ट्र मंत्रालयाकडून करण्यात आले आहे.

Web Title: Healpline Number For Indians Released For Sri Lanka

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sri Lanka
go to top