Indian Student Shot Dead in USA: अमेरिकेत भारतीयाची हत्या; एका पोलिसानं गोळ्या झाडल्यानं खळबळ

वॉशिंग्टन : अमेरिकेतील सॅन अँटोनियो येथे एका पोलिसाने भारतीय युवकाची गोळ्या झाडून हत्या केली. ही घटना २१ एप्रिल रोजी घटलेल्या या घटनेची माहिती नुकतीच उघड झाली आहे. मृताचे नाव सचिन साहू असे असून तो मूळचा उत्तर प्रदेशमधील होता. (Indian Student Shot Dead in USA Indian killed in America Excitement after a police shot)

पोलिसांनी दिलेल्या माहितीनुसार, सचिनच्या गाडीची धडक बसून एक महिला गंभीर जखमी झाली होती, तिची प्रकृती नाजूक आहे. या अपघातानंतर सचिन पळून गेला होता. पोलीस त्याचा शोध घेत होते. त्याच्यावर अटक वॉरंटही बजावण्यात आले होते. २१ एप्रिलला सायंकाळी सॅन अँटोनियोचे पोलीस त्याच्या घरी गेले असता त्याने तेथून पलायन केले. काही वेळानं सचिनच्या शेजाऱ्यांनी तो घरी परतल्याची माहिती पोलिसांना कळविली. (Latest Marathi News)

जेव्हा पोलिस त्याला पकडण्यासाठी आले तेव्हा त्याने पळून जाण्याचा प्रयत्न केला. त्याने त्याच्या मोटारीने दोन पोलिसांनी धडक दिली. त्यावेळी तेथे उपस्थित पोलिस अधिकारी टायलर टर्नर यांनी सचिनवर गोळी झाडली, त्यात त्याचा जागीच मृत्यू झाला.