अमेरिकेच्या दूतावासावर डागले 3 रॉकेट; एका आठवड्यात तिसरा हल्ला

बगदाद- इराकची राजधानी बगदादमध्ये सोमवारी अमेरिकी दूतावासावर तीन रॉकेट डागण्यात आले. सूत्रांनी दिलेल्या माहितीनुसार यातील 2 रॉकेट ग्रीन झोनमध्ये पडले असून इतर एक निवासी भागात पडले आहे. विशेष म्हणजे पश्चिमी देशांचे कार्यालय, लष्कर आणि वाणिज्य संस्थांवर झालेला हा एका आठवड्यातील तिसरा हल्ला आहे. एका इंग्रजी वृत्तसंस्थेने यासंदर्भातील वृत्त दिलं आहे. 

पंतप्रधानांकडून ‘मनरेगा’ची चेष्टा : राहुल

इराकी सैन्याने यावर वक्तव्य करताना म्हटलंय की, रॉकेट हल्ल्यामध्ये कोणतीही जीवितहानी झाली नाही. ग्रीन झोनमध्ये अनेक विदेशी दूतावास आणि सरकारी इमारती आहेत. हा भाग नेहमी रॉकेट हल्ल्यानी टार्गेट केला जातो. अमेरिका आणि इराकी अधिकाऱ्यांच्या म्हणण्यानुसार हे हल्ले इराण पुरस्कृत आहेत. या हल्ल्यामुळे अमेरिका आणि इराणमधील संबंध अधिक बिघडले जाणार आहे. इराकचा लष्कर प्रमुख कासीम सुलेमानी याचा अमेरिकेने केलेल्या रॉकेट हल्ल्यात मृत्यू झाला होता. तेव्हापासून दोन्ही देशातील संबंध चिघळले गेले आहेत. 

इराकी सेक्युरिटी सर्विसकडून सांगण्यात आलंय की, कमीत कमी दोन रॉकेट ग्रीन झोनमध्ये पडले आहेत. याठिकाणी अमेरिका आणि इतर विदेशी देशांचे दूतावास आहेत. एका सुरक्षा अधिकाऱ्याने सांगितलं की, एका रॉकेटने अमेरिकी डिप्लोमॅटिक मिशनला निशाणा बनवलं आहे. अन्य रॉकेट निवासी क्षेत्रात पडले आहेत.

बंगालला हवे परिवर्तन - पंतप्रधान मोदी

एक आठवड्यापूर्वी अरबिल एअरपोर्टवरील मिलिट्री कॉम्पेल्कसवर जवळपास दोन डझन रॉकेट्स डागण्यात आले होते. याठिकाणी विदेशी सैनिक राहतात. या हल्ल्यामध्ये दोन लोकांचा मृत्यू झाला होता. यामध्ये एका विदेशी कंत्राटदाराचा आणि एका नागरिकाचा समावेश होता.  2014 पासून जिहादींविरोधात लढा देण्यासाठी अमेरिकेच्या नेतृत्वात सैन्य इराकची मदत करत आहेत.