अमेरिकेसह ३० देशांचे रशियन विमानांना मार्ग बंद; बायडेन म्हणाले, पुतीन 'हुकूमशहा'

Joe Biden speaks on Russia Ukraine War : युक्रेन-रशियामध्ये गेल्या सहा दिवसांपासून युद्ध सुरूच आहे. या दोन्ही देशांमध्ये काल शांतता चर्चा पार पडली. पण, युद्धावर पूर्णविराम लागत नसल्याने अमेरिकेचे अध्यक्ष जो बायडेन यांनी चिता व्यक्त केली. यावेळी त्यांनी रशियाला खडसावत युक्रेनच्या पाठिशी असल्याचं सांगितलं.

अमेरिका आणि आमचे सहयोगी देश नाटो क्षेत्राच्या प्रत्येक इंचाचे संरक्षण करण्यासाठी कटिबद्ध आहेत. पुतीन यांना युद्धभूमीवर फायदा होऊ शकतो. परंतु त्यांना याची दीर्घकाळासाठी मोठी किंमत मोजावी लागेल, असा इशारा अमेरिकेचे राष्ट्राध्यक्ष जो बायडेन यांनी दिला आहे. स्टेट ऑफ द युनियनला संबोधित करताना त्यांनी अमेरिकेची भूमिका स्पष्ट केली. (US will join allies in closing off American airspace to all Russian flights)

अमेरिकेवर विश्वास ठेवण्यासाठी बायडेन यांनी युक्रेनियन नागरिकांचे आभार मानले. त्यांनी दाखवलेल्या शौर्याची प्रशंसा केली. अमेरिकेसह NATO देशांनीही रशियातून येणाऱ्या सर्व विमानांसाठी हवाई मार्ग बंद करण्याचा निर्णय जाहीर केला. या घोषणेनंतर त्यांना स्टेट ऑफ द युनियनच्या सभेत सर्वांनी स्टॅडिंग ओव्हेशन दिलं. टाळ्यांच्या कडकडाटात सर्वांनी या निर्णयाचं स्वागत केलं. कोणत्याही परिस्थितीत आम्ही युक्रेनच्या पाठिशी आहोत, असं आश्वासन देत त्यांनी पुतीन यांना हुकुमशाहा असल्याचं संबोधलं.

काय म्हणाले बायडेन?

• रशियाचा युरोपला तोडण्याचा डाव

• रशियानं एवढा कडवा प्रतिकार अपेक्षित केलाच नसेल

• पुतीन यांना जगाने एकट पाडलंय..याआधी कधीही असं झालं नव्हतं.

• आम्ही मोठ्या प्रमाणात आर्थिक निर्बंध लादले आहेत..रशियाचं कंबरडं मोडलंय

• आम्ही रशियाच्या बँका आणि त्यांच्यावरील टेक्नॉलॉजिकल निर्बंध लादत आहोत

• युरोपातील पुतीन यांचे प्रायव्हेज जेट्स, लग्झरी अपार्टमेंट्स सील करणार

• नाटो देशांच्या संरक्षणासाठी अमेरिका सैन्य पाठवेल

• १ बिलियन अमेरिकन डॉलर्स युक्रेनला मदत