युक्रेनचा ‘घोस्ट ऑफ किव्ह’ठार

किव्ह : युक्रेनचा अत्यंत धाडसी व रशियाच्या सैन्यात दहशत निर्माण करणारा ‘घोस्ट ऑफ किव्ह’चा युद्धात पराक्रम गाजविताना गेल्या महिन्यात मृत्यू झाल्याचे वृत्त ‘टाइम्स ऑफ लंडन’ने दिले आहे. युक्रेनच्या या शूरवीर योद्धाचे नाव मेजर स्टिफन ताराबल्का (वय २९) असे आहे. या युद्धात त्याने रशियाची ४० लढाऊ विमाने पाडल्याचा दावा करण्यात येतो. म्हणूनच ‘घोस्ट ऑफ किव्ह’अशी ओळख मिळाली होती.

ताराबाल्का याचा गेल्या महिन्यात मृत्यू झाल्याच्या वृत्ताला युक्रेनच्या अधिकाऱ्यांनी दुजोरा दिला आहे. रशियन फौजांकडून तो मारला जाण्यापूर्वी या धडाडीच्या वैमानिकाने रशियाची ४० लढाऊ विमाने पाडली होती. ‘टाइम्स ऑफ लंडन’च्या वृत्तानुसार ताराबल्का याने ‘मिग-२९’मधून उड्डाण केल्यानंतर शत्रूच्या सैनिकांशी लढताना १३ मार्चला रोजी तो शत्रूकडून मारला गेला. रशियाने १३ मार्च रोजी केलेल्या विमानविरोधी क्षेपणास्त्राच्याच्या हल्ल्यात ताराबल्काचा मृत्यू झाल्याचे ‘डेली मेल’ने म्हटले आहे.