अमेरिकेने पुन्हा एकदा चीनला कोरोनाव्हायरसच्या साथीवरून केले लक्ष्य

वॉशिंग्टन - कोरोनाव्हायरसच्या साथीवरून अमेरिकेने पुन्हा एकदा चीनला लक्ष्य केले आहे. या विषाणूच्या प्रसाराबाबतच्या माहितीत चीनने पारदर्शकता ठेवावी, अशी मागणी करण्याचे आवाहन अमेरिकेने आंतरराष्ट्रीय समुदायाला शुक्रवारी (ता. १८) केले. तसेच या घातक विषाणूच्या उगमाबद्दलच्‍या जागतिक आरोग्य संघटनेच्या (डब्ल्यूएचओ) तपासात चीन अडथळे आणत न असल्याचा आरोपही केला आहे.

कोरोनाच्या संसर्गाबाबत समजल्याच्या एक वर्षानंतर आता त्यांच्या नागरिकांना कथित लस देऊन सर्व जगाला पुन्हा एकदा संकटात लोटत असल्याचा आरोपही अमेरिकेने चीनवर केला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सर्व जगात अमेरिकेत कोरोनाचा प्रसार जास्त आहे. १७ लाखांपेक्षा जास्त रुग्णसंख्या आणि तीन लाखांपेक्षा जास्त मृत्यू येथे झाले आहेत. अमेरिकेचे गृहमंत्री माईक पॉम्पिओ म्हणाले की, कोरोनाचा उद्रेक होऊन एक वर्ष होत आले तरी जग अद्याप सावरले नसताना चीनमधील कम्युनिस्ट पक्ष या विषाणूबद्दल दिशाभूल करणारी माहिती पसरवीत आहे. या साथीच्या उगमाची माहिती घेण्याच्या ‘डब्ल्यूएचओ’च्या कामात खोडा घालत आहे. कोरोनावरील चीनमधील कथित लसीच्या सुरक्षेबद्दल व परिणामाच्या माहितीचा अभाव असताना व वैद्यकीय चाचण्यांचे निष्कर्षात पारदर्शीपणा व विश्‍वासार्हता नसताना लसीकरण सुरू करून चीन त्यांच्या नागरिकांनाच नाही तर संपूर्ण जगाला संकटात ढकलत आहे, असा आरोपही त्यांनी केला.

फायझरच्या व्हॅक्सिनमुळे माणसाची होते मगर? ब्राझीलच्या राष्ट्राध्यक्षांचा विचित्र दावा

ज्याच्या संसर्गाने जगातील लाखो नागरिकांचे जीव घेतले व लाखोजणांची रोजीरोटी नष्ट केली त्या विनाशकारी साथीचा प्रसार आणि कोरोना विषाणूच्या उगमाची खरी माहिती जाहीर करण्याची मागणी जगातील देशांनी चीनकडे करावी, असे आवाहन पॉम्पिओ यांनी केले. चीनच्या सार्वजनिक आरोग्य खात्याच्या नोंदीनुसार भविष्यात चीनमधून नव्या जागतिक साथीचा उगम होणार आहे.

भारत आणखी एका सर्जिकल स्ट्राइकच्या तयारीत; पाकच्या परराष्ट्र मंत्र्यांचा दावा

चीनने दिली शिक्षा
कोरोनाची साथ हा अपघात नाही, असा पुनरुच्चार करीत या विघातक विषाणूबद्दल प्रसाराविषयी जगाला सावध करणाऱ्या चीनी शास्त्रज्ञ, डॉक्टर आणि पत्रकारांना चीनने शिक्षा दिली, असा आरोप पॉम्पिओ यांनी केला. 

Edited By - Prashant Patil