Viral Video : आईने वापरली ट्रिक; रडणाऱ्या बाळाच्या चेहऱ्यावर आले लगेच हसू

प्रसिद्ध गायक एपी धिल्लन यांचं गाजलेलं पंजाबी गाणं 'एक्सक्यूज'या गाण्याच वेड थांबायचं नाव घेत नाहीये. या गाण्याला देशभरात खूप पसंती मिळत आहे. केवळ तरुणच नाही तर लहान मुलेही या गाण्याला पसंती देत आहेत. विशेषतः दिल्लीकरांच्या (Delhi) आवडत्या गाण्यांपैकी हे गाणं आहे. रडणाऱ्या मुलांना गप्प करण्याचा प्रयत्नही पालक पंजाबी गाण्यातून करत आहेत. असाच काहीसा प्रकार सोशल मीडियावर (Social Media) व्हायरल झालेल्या या व्हिडीओमध्ये (Viral Video) पाहायला मिळाला. रडणाऱ्या मुलांना शांत करण्यासाठी हे गाणं जादूसारखं काम करतंय.

इन्स्टाग्रामवर (Instagram) एक व्हिडिओ व्हायरल होत आहे, ज्यामध्ये तविशी नावाची एक गोंडस मुलगी रडताना दिसत आहे, तर तिची आई तिला गप्प बसावे म्हणून झोळीत घालून तिला मागे-पुढे ढकलत आहे. आई एपी ढिल्लन यांचं 'एक्सक्यूज' गाणं वाजवताच त्या बाळाच रडणं बंद होतं.'एक्सक्यूज'ची सुरुवातीची धून लहान मुलगी ऐकते. ती गप्प बसते आणि फक्त गाण्याच्या तालावर लक्ष केंद्रित करते. काही सेकंदानंतर बाळाचा मूड बदलतो. व्हिडिओमध्ये पाहू शकता की बाळाच्या चेहऱ्यावरील हास्य वाढलेले दिसून येत आहे.Viral Video

मुलीची आई शैलजा यांनी 'द मॅजिक ऑफ एपी ढिल्लन' असा मजकूर असलेल्या 'whatshelysayz' या हँडलवर हा व्हिडिओ पोस्ट केला होता. ती दिल्लीची मेकअप ब्लॉगर आहे. तिने या पोस्टला कॅप्शन दिले आहे की, "एपी ढिल्लनचे संगीत आपल्या मुलावर उत्तम काम करते." त्याच्या एका इंस्टाग्राम मित्राने देखील व्हिडिओवर कमेंट केली की, ही युक्ती त्याच्या मुलावरही काम करते.