H-1B व्हिसाबाबत घेतलेल्या निर्णयाचा सर्वाधिक फटका भारतीयांना? कसा? वाचा सविस्तर...

नवी दिल्ली- अमेरिकेचे अध्यक्ष डोनाल्ड ट्रम्प यांनी H-1B व्हिसाबाबत मोठा निर्णय घेतला आहे. H-1B व्हिसावर 2020 च्या अखेरपर्यंत निर्बंध घालण्यात आले आहेत. त्यामुळे अमेरिकेत जाण्याचे स्वप्न पाहणाऱ्या हजारो भारतीयांचा हिरमोड होणार आहे. ट्रम्प यांनी रविवारी याबाबतची घोषणा केली आहे. तसेच 24 जून पासून हा आदेश लागू होणार आहे. 

कोरोना महामारीने घातलेल्या थैमानाच्या पार्श्वभूमीवर हा निर्णय घेण्यात आला आहे. या महामारीमुळे लाखो अमेरिकन नागरिकांनी आपला जॉब गमावला आहेत. त्यामुळे स्थानिकांना कामासाठी प्राधान्य देण्यात यावे यासाठी डोनाल्ड ट्रम्प यांच्यावर दबाव वाढत चालला होता. परिणामी ट्रम्प सरकारने H-1B व्हिसा घेऊ पाहणाऱ्यांना अमेरिकेत प्रवेश नाकारला आहे. H-1B व्हिसावर या वर्षाच्या शेवटापर्यंत बंदी असणार आहे. शिवाय हे निर्बंध पुन्हा वाढवण्याचे संकतही ट्रप्प यांनी दिले आहेत.  

डोनाल्ड ट्रम्प यांच्याकडून एच१बी व्हिसाबाबात मोठा निर्णय; भारतियांना झटका
ट्रम्प यांच्या निर्णयाचा फटका कोणाला बसणार?

1 ऑक्टोंबरपासून सुरु होणाऱ्या आर्थिक वर्षासाठी अमेरिकन सरकारकडून H-1B व्हिसा जाहीर करण्यात आले होते. त्यामुळे कंपन्यांनी अर्ज दाखल करणे सुरु केले होते. मात्र, ट्रम्प यांच्या या  निर्णयामुळे कंपन्यांची चिंता वाढली आहे. कारण त्यांनी आर्थिक वर्ष 2020-21 साठी अनेक कर्मचाऱ्यांना अमेरिकेत जाण्याची संधी दिली होती. याचा फटका अमेरिका आणि भारतीय कंपन्यांना बसणार आहे. अनेक भारतीय अमेरिकेत जाऊन काम करण्याचे स्वप्न पाहत असतात, अशांचा स्वप्नभंग होणार आहे. 

ब्राझील, अमेरिका, भारतात एकाच दिवशी सर्वाधिक रुग्ण 
H-1B व्हिसा दरवर्षी लॉटरी पद्धतीने दिला जातो. जवळपास 1 लाखांच्या आसपास H-1B व्हिसा अमेरिकेकडून परदेशी नागरिकांना दिले जातात. भारतातून मोठ्या प्रमाणात आयटी इंजिनीअर अमेरिकेत कामासाठी जात असतात. H-1B व्हिसाच्या एकूण कोट्यापैकी जवळपास 60 ते 70 टक्के भारतीय अमेरिकेत जात असतात. त्यामुळे ट्रम्प यांच्या निर्णयाचा सर्वात मोठा फटका भारतीयांना बसणार आहे. 

नेतृत्वाचा अभाव हेच मोठे संकट;‘डब्लूएचओ’च्या प्रमुखांचे जागतिक नेत्यांवर...
ज्यांच्याकडे अमेरिकेचा व्हॅलिड व्हिसा आहे अशांना या निर्णयाचा फटका बसणार नाही. ते बाहेरील देशात राहत असले तरी ते अमेरिकेत परत जाऊ शकतात.  H-2B व्हिसा मिळवू पाहणाऱ्यांना याचा फटका बसणार आहे.  प्रशिक्षणार्थी, इंटर, शिक्षक, समुपदेशक अशांना किमान यावर्षी तरी अमेरिकेत जाता येणार नाही. जे भारतीय नागरिक सध्या अमेरिकेत शिक्षण घेत आहेत अशांना याचा फटका बसणार नाही. तसेच अमेरिकेत शिक्षण घेणाऱ्यांना त्यांच्या व्हिसाचे स्टेटसही बदलता येणार आहे. शिवाय अवलंबून असणाऱ्या व्यक्ती( पत्नी किंवा मुले) यांना अमेरिकेत प्रवेशासाठी बंदी उठण्याची वाट पाहावी लागणार आहे.