लस आली म्हणजे 'कोरोना' संपला असं समजू नका; WHOच्या प्रमुखांनी दिला इशारा

कोरोना व्हायरसवरील लस आल्याने व्हायरस स्वत:चं संपणार नाहीये, असं वक्तव्य जागतिक आरोग्य संघटनेचे डायरेक्टर जनरल टेड्रॉस अधनॉम घेबेरियस यांनी केलं आहे. लस जवळ आलीय याचा अर्थ हे कोरोनाचे महासंकट संपलेले आहे, असे समजणे चुकीचे आहे. असा विश्वास बाळगून आत्मसंतुष्टी बाळगणे चुकीचे ठरेल, असा इशाराही त्यांनी दिला आहे. लशीच्या निर्मितीमध्ये प्रगती होत असल्याने आपल्याला एक आशेचा किरण दिसत आहे. मात्र, साथीचा रोग आता संपलेलाच आहे अशी एक सामान्य धारणा वाढताना दिसत आहे, ज्याविषयी आरोग्य संघटनेने चिंता व्यक्त केलीय. टेड्रॉस पुढे म्हणाले की साथीच्या रोगाचा आजार अद्याप कायम आहे. 

हेही वाचा - लस घेतल्यास किती दिवस पुन्हा होणार नाही कोरोना? ‘मॉडर्ना’ कंपनीचा खुलासा

आम्हाला याची कल्पना आहे की हे वर्ष कठीण होतं आणि लोक कंटाळले आहेत. पण क्षमतेपेक्षा अधिक रितीने चालवावे लागलेल्या हॉस्पिटल्ससाठी हे सर्वांत जास्त कठीण होते. सध्या वास्तव असे आहे की, अनेक ठिकाणी व्हायरसचा प्रसार खूपच गतीने होतो आहे. यामुळे हॉस्पिटल्स, आयसीयू आणि आरोग्य कर्मचाऱ्यांवर दबाव आहे.

ब्रिटनने अलिकडेच बुधवारी फायझर या कोरोनावरील लशीचा मान्यता दिली आहे. या रोगाशी सामना करण्यासाठी लशीकरणाच्या शर्यतीत त्यांनी इतरांहून आघाडी घेतली आहे. एका वर्षापूर्वी चीनमधील वुहानमधून पसरलेल्या या व्हायरसने जवळपास 1.5 दशलक्ष लोक मारले आहेत. या व्हायरसमुळे जागतिक अर्थव्यवस्था तसेच सामान्य जनजीवन देखील विस्कळीत झालं आहे. मात्र, लशीच्या प्रगतीमुळे हे वादळ लवकरच शमेल, अशी आशाही निर्माण झाली आहे. 

हेही वाचा - अबब! 2 महायुद्धे, UK चे 7 राजे, US चे 39 राष्ट्राध्यक्ष पाहिलेले 188 वर्षांचे कासव

जागतिक आरोग्य संघटनेच्या सध्याच्या आकडेवारीनुसार, 51 लशींची मानवी चाचणी घेण्यात येत आहे. यातील 13 लशी या Mass Testing च्या टप्प्यावर आहे. उर्वरित 163 लशींची निर्मिती प्रयोगशाळेत होत आहे.