विमानातून प्रवास करणे हे अनेकांचे स्वप्न असते. विमान प्रवास हा जलद आणि आरामदायी असतो. परंतु कधीकधी विमान प्रवासादरम्यान काही संतापजनक घटनाही घडतात. नुकतेच अमेरिकेतील (USA) न्यू जर्सी येथून लंडनला (London) जाणाऱ्या विमानात (Plane) एक धक्कादायक घटना घडली आहे. या विमानातून प्रवास करणाऱ्या महिलेने आपल्यावर विमानात बलात्कार (Sexually Harassment) झाल्याची तक्रार केली आहे. हा आरोप समोर येताच एकच खळबळ उडाली आहे. (Woman Raped in Plane Fellow traveler)
इंडिपेंडंटने दिलेल्या वृत्तानुसार, सर्व प्रवासी झोपलेले असताना ही घटना घडली आणि हा सर्व प्रकार फ्लाइटच्या बिझनेस क्लासमध्ये घडला आहे. या अहवालात असेही नमूद करण्यात आले आहे की, आरोपी आणि आरोप करणारी महिला हे एकमेकांच्या ओळखीचे नसून दोघांनी एकमेकांना भेटल्यानंतर संभाषण केले होते. यानंतर दोघांनी विमानातच मद्यपान केले.
दारू पिऊन आरोपीने बलात्कार केल्याचा आरोपही महिलेने केला आहे. महिलेने सर्वप्रथम फ्लाइट स्टाफला याची माहिती दिली, त्यानंतर एअरलाइन्स कर्मचाऱ्यांनी लंडन पोलिसांना (Police) माहिती दिली. विमान हिथ्रो विमानतळावर उतरल्यानंतर लगेचच पोलीस अधिकारी विमानात आले आणि आरोपीला अटक (Arrest) केली.
न्यू जर्सी ते लंडन थेट विमान प्रवासासाठी सुमारे सात तास लागतात. याच दरम्यान ही घटना घडली. फ्लाइट लँड होताच पीडितेला समुपदेशनासाठी नेण्यात आले. अधिकाऱ्यांनी विमानाची फॉरेन्सिक तपासणीही केली. सध्या आरोपीला अटक करण्यात आली असून काही वेळाने जामीनही मंजूर झाला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.