हवामान बदलामुळे लहान मुलांमध्ये वाढतोय धोका! अभ्यासातून खुलासा

वातावरणातील (Climate) बदलामुळे जगभरात झपाट्याने वाढत जाणारे तापमान (Temperature) गर्भात वाढणाऱ्या बालकांसाठी धोकादायक ठरत आहे. झपाट्याने वाढणाऱ्या तापमानामुळे, लहान मुलांमध्ये रुग्णालयात दाखल होणे आणि त्यांचे झपाट्याने वजन वाढणे (Weight gain) यासारख्या समस्यांसोबतच मुदतीपूर्व जन्मणाऱ्या बाळांचा (Premature birth) धोकाही वाढला आहे. शास्त्रज्ञांनी 6 वेगवेगळ्या अभ्यासात दावा केला आहे की, तापमानात झपाट्याने वाढ होत असल्याने गर्भ (Fetus), नवजात (Newborn) आणि बाळाच्या आरोग्याला धोका वाढत आहे. या अभ्यासाचे निष्कर्ष जर्नल ऑफ पेडियाट्रिक अँड पेरिनेटल एपिडेमियोलॉजीच्या स्पेशल एडिशनमध्ये प्रकाशित झाले आहेत.

या जर्नलचे अतिथी संपादक आणि बोस्टन विद्यापीठातील पर्यावरणीय आरोग्याचे प्राध्यापक ग्रेगरी ए. वेलेनियस आणि संशोधक अमेलिया के. वेसेलिंक यांचे म्हणणे आहे की, अभ्यासातून मिळालेल्या पुराव्यांवरून हे स्पष्ट होते की, अधिक वेगाने वाढणारी उष्णता (Heat), वादळ आणि जंगलातील आगीमुळे निर्माण होणारा धूर. मुलांमध्ये अकाली जन्म आणि आरोग्य समस्यांचा धोका वाढतोय.

10 लाख गर्भवती महिलांवर देखरेख

ऑस्ट्रेलियातील साउथ वेल्समध्ये 2014 ते 2015 दरम्यान 10 लाख गरोदर महिलांचे (Pregnant women) निरीक्षण केल्यानंतर संशोधकांनी हा निष्कर्ष काढला आहे, जेथे तापमान जास्त आहे, अकाली जन्माची 16 टक्के प्रकरणे ज्या भागात जास्त गर्भधारणा झालेली आहे, अशा भागात झाली आहे. त्यांना असेही आढळून आले की, गरोदर स्त्रिया ज्या गर्भधारणेदरम्यान सिगारेट (Cigarettes) ओढत होत्या आणि ज्यांना आधीच अस्तित्वात असलेल्या आरोग्य समस्या होतात.

अमेरिकेची स्थिती

शास्त्रज्ञांच्या म्हणण्यानुसार, 2007 ते 2011 दरम्यान अमेरिकेच्या टेक्सासमध्येही अशीच परिस्थिती पाहायला मिळाली आहे. उष्णतेच्या लाटेच्या संपर्कात आल्यानंतर अति उष्ण तापमानामुळे येथे अकाली जन्म होण्याचा धोका 15 टक्के आहे. याशिवाय बाळंतपणानंतर अनेक प्रकारच्या आरोग्याच्या समस्याही दिसून आल्या आहेत. अमेरिकेत गेल्या दोन दशकांत जंगलांना आग लागण्याच्या घटनांमध्ये वाढ झाली आहे.

कमी वेळेत वजन वाढणे

या जर्नलमध्ये प्रसिद्ध झालेल्या आणखी एका अहवालात शास्त्रज्ञांनी इस्रायलमध्ये जन्मलेल्या दोन लाख मुलांचे विश्लेषण केले आहे. यामध्ये, उच्च तापमान आणि जन्माच्या पहिल्या वर्षी वजन वाढणे यांच्यात संबंध आढळून आला आहे. यामध्ये 20 टक्के मुलांना रात्रीच्या तापमानाचा सामना करावा लागला, ज्यामध्ये पाच टक्के मुलांना वेगाने वजन वाढण्यास त्रास झाल्याचे दिसून आले.