Health Tips : वजन कमी करण्यासाठी गरम पाणी किती प्यावे? जाणून घ्या

Hot Water For Weight loss : वजन कमी करण्यासाठी बरेच प्रयत्न केले जातात. धवपळ, बदलती जीवनशैली, अपूरी झोप, अवेळी खाणे अशा बऱ्याच कारणांनी वजन वाढते. मग ते कमी करण्यासाठी डाएट, व्यायाम, योगासने असे बरेच उपाय केले जातात. बरेच जण वजन कमी करण्यासाठी सकाळी उठून गरम पाणी पितात. मात्र खरंच गरम पाणी (Warm Water) प्यायल्यामुळे वजन कमी होते का ? वजन कमी करण्याच्या प्रक्रियेत पाण्याचा एक मोठा भाग असतो, मात्र ते नेमकं कसं होतं , रोज किती पाणी प्यावे, या सर्वांबद्दल माहिती जाणून घेऊया.

गरम पाणी पिल्याने वजन कमी होते का ?

गरम पाणी पिण्याचे शरीराच्या वजनावर सरळ प्रभाव पडत नाही. याचे जसे काही फायदे आहेत, तसेच काही तोटेही आहेत. सकाळी उठल्यावर रिकाम्या पोटी गरम पाणी प्यायल्यास शरिरातील टॉक्सिन्स बाहेर पडण्यास मदत मिळते. तसेच जेवल्यानंतर गरम पाणी अथवा कोमट पाणी प्यायल्यास अन्नपचनास मदत मिळते. मात्र त्यामुळे शरीराच्या वजनावर सरळ प्रभाव पडत नाही.

मात्र, एका ठराविक प्रमाणात पाणी प्यायल्यास वजनावर परिणाम होतो. जर तुम्ही जास्त प्रमाणात पाणी पित असाल तर तुमचे वजन कमी होऊ शकते. त्याशिवाय, जेवण्याआधी काही वेळ अर्धा लिटर पाणी प्यायल्यास मेटाबॉलिज्मही वाढते. दिवसभर थोड्या -थोड्या वेळाने गरम पाणी पीत राहिल्यास मेटाबॉलिज्म सुधारते, फॅट ब्रेक करण्यासाठी गरम पाण्याची मदत होते. त्यामुळे पचनही चांगल्या पद्धतीने होते आणि पाणी पीत राहिल्याने सारखी-सारखी भूकही लागत नाही.

वजन कमी करण्यासाठी गरम पाण्यासहित इतर पर्याय

• तुम्ही सकाळी हर्बल टी पिऊ शकता. हर्बल टी, वजन कमी करण्याचे काम करते आणि त्यामुळे शरीरही डिटॉक्स होते.

• दिवसभरात कोणतेही जेवण टाळू नका. सकाळी भरपूर उर्जा देईल असा नाश्ता करावा.

• भरपूर प्रमाणात फळं आणि सुका-मेवा खात रहा.

• व्यायाम करावा. त्याने फॅट कमी होईल.