Neck Pain : मानदुखीमुळे येणारी चक्कर, मळमळ, उलट्या टाळण्यासाठी हे व्यायाम करा

मुंबई : पूर्वी वृद्धांमध्ये मानेची समस्या असायची. मात्र बिघडलेल्या जीवनशैलीमुळे आता लहान मुलांना आणि तरुणांनाही मानेची समस्या जाणवू लागली आहे. यावर मात करण्यासाठी रोज दोन व्यायाम करावेत.

मानदुखीची लक्षणे

पाठीच्या कण्याचं वरचं टोक मानेमध्ये असतं. ते कमकुवत किंवा खराब झाल्यावर मानदुखी सुरू होते. चक्कर येणे, उलट्या होणे, मळमळ होणे, डोकेदुखी, मान व खांद्यामध्ये तीव्र वेदना होणे, मान ताठ होणे इत्यादी लक्षणे आहेत. हेही वाचा - जोखमीचे भान राखूनच करा SIP मध्ये गुंतवणूक

मानदुखी का होते ?

शरीराची स्थिती बिघडल्याने मानदुखी सुरू होते. डोके झुकवून मोबाईल वापरणे, खाली वाकून बसणे, संगणक-लॅपटॉपवर तासनतास काम करणे इत्यादी चुकीच्या सवयींमुळे मानदुखी होते.

मानदुखीसाठी व्यायाम

सर्व प्रथम, सोफा किंवा बेडवर बसा. आता त्यावर अशा प्रकारे झोपा की तुमचे खांदे सोफ्यावर किंवा बेडवर ठेवलेले असतील आणि मान खाली लोंबकळेल. डोक्याच्या मागे हात घेऊन ते ताणा. १० सेकंद या स्थितीत रहा आणि श्वास घ्या. शेवटी, आरामात सरळ करा. असे ५ ते १० वेळा करा.

सोफा किंवा बेडवर बसा. पाय पुढे सोडा. गुडघे न वाकवता हात पायाच्या बोटांच्या दिशेला ताणा. यानंतर डावा हात डाव्या गुडघ्यावर ठेवा आणि उजव्या हाताने डाव्या पंजाला स्पर्श करण्याचा प्रयत्न करा.

ही काळजी घ्या

पहिल्या व्यायामात मान लोंबकळल्यानंतर चक्कर येत असेल तर आरामात सरळ करा. रिकाम्या पोटी किंवा जेवल्यानंतर ३ तासांनंतर मानेचे व्यायाम करा. व्यायाम करताना आरामदायक सैल कपडे घाला.

मानेच्या वेदनेपासून मुक्त होण्यासाठी या व्यायामांचा नित्यक्रमात समावेश करा. हळूहळू मानेचे स्नायू मजबूत होतील आणि वेदना थांबतील.

सूचना : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांचा सल्ला घ्या.