जळगाव : एरंडोलच्या लोकन्यायालयात 9 लाख 50 हजारांची वसुली | Sakal
sakal

बोलून बातमी शोधा

Erandol Peoples Court

जळगाव : एरंडोलच्या लोकन्यायालयात 9 लाख 50 हजारांची वसुली


एरंडोल (जि. जळगाव) : येथील न्यायालयात झालेल्या राष्ट्रीय लोकन्यायालयात सुमारे ९ लाख ५० हजार रुपयांची वसुली झाली. लोकन्यायालयाचा फायदा तळागाळातील गोरगरीब नागरिकांना होत असल्याचे तालुका विधी सेवा संघाचे अध्यक्ष तथा दिवाणी न्यायाधीश विशाल धोंडगे यांनी सांगितले.

येथील तालुका विधी सेवा समितीतर्फे झालेल्या लोकन्यायालयात प्रलंबित प्रकरणांपैकी अठरा प्रकरणे तडजोडीने निकाली काढण्यात आली, तर ८३ वादपूर्ण प्रकरणे तडजोडीने निकाली काढून सुमारे ९ लाख ५० हजार रुपयांची थकीत वसुली करण्यात आली. सौम्य शिक्षा असणारी १५ प्रकरणेही निकाली काढून ९८ प्रकरणे तडजोडीने मिटविण्यात आली. राष्ट्रीय लोकन्यायालयात तालुक्यातील ५२ ग्रामपंचायतींसह वीज वितरण कंपनी, भारत दूरसंचार निगम, सेंट्रल बँक, स्टेट बँक, बँक ऑफ बडोदा यांच्याकडील थकबाकीची प्रकरणे ठेवली होती. ॲड. पी. एस. बिर्ला, ॲड. व्ही. एन. पाटील यांनी पंच न्यायाधीश म्हणून काम पाहिले. प्रमुखपंच म्हणून न्यायाधीश विशाल धोंडगे यांनी काम पाहिले. यशस्वितेसाठी वकील संघाचे तालुकाध्यक्ष ॲड. एम. ओ. काबरे, सचिव ॲड. डी. बी. महाजन, ॲड. आल्हाद काळे, ॲड. आर. एम. दाभाडे, ॲड. पी. एस. बिर्ला, ॲड. आर. आर. सोनार, ॲड. ए. जे. सय्यद यांच्यासह वकील संघाचे सहकार्य लाभले.

हेही वाचा: चांदीच्या दरात पुन्हा 3 हजारांची घसरण; सोनेही घसरले

हेही वाचा: विद्यार्थ्यांना यंदा 2 गणवेश; केंद्र सरकारकडून 215 कोटींचा निधी मंजूर

Web Title: 9 Lakh 50 Thousand Recovered In Erandol Peoples

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Jalgaon
go to top