Jalgaon : विहिरीत बुडून वयोवृद्धाचा मृत्यू

बातमीदार : जीवन चव्हाण

चाळीसगाव (जि. जळगाव) : तालुक्यातील रोकडे शिवारातील एकाच्या विहिरीत वयोवृद्ध इसमाचा बुडून मृत्यू (Drowning Death) झाल्याची धक्कादायक घटना समोर आली आहे. याबाबत चाळीसगाव ग्रामीण पोलिसात नोंद करण्यात आली आहे. (Elderly man drowns in well Jalgaon latest Marathi News)

याबाबत सविस्तर वृत्त, तालुक्यातील रोकडे शेतशिवारातील विहिरीत स्थानिक नागरिकांना एका इसमाचा मंगळवार, १२ रोजी मृतदेह आढळून आला. सदर घटनेबाबत ग्रामीण पोलिसांना कळवताच त्यांनी घटनास्थळी धाव घेऊन पंचनामा केला. व मृतदेहाला ग्रामीण रुग्णालयात शवविच्छेदनासाठी नेण्यात आला.

तत्पूर्वी सदर घटना हि मंगळवार रोजी ९:४५ वाजेच्या पूर्वी (वेळ नक्की नाही) घडली आहे. शंकर अर्जुन वारे (वय-६५) रा. बसस्थानकामागे झोपडपट्टी, चाळीसगाव असे मृत झालेल्या इसमाचा नाव आहे. तत्पूर्वी या घटनेने परिसरात एकच खळबळ उडाली आहे.

वैधकीय अधिकारी यांच्या खबरीवरून चाळीसगाव ग्रामीण पोलीस स्थानकात अकस्मात मृत्यूची नोंद करण्यात आली आहे. पोलीस निरीक्षक संजय ठेंगे यांच्या निर्देशानुसार पुढील तपास पोना शांतीलाल पगारे हे करीत आहे.