Jalgaon Crime News : बापलेकीवर हल्ला प्रकरणी कसुंब्यातून दोघे गजाआड

Jalgaon Crime News : सुप्रिम कॉलनीतील रहिवासी कैलास ऊखा पवार यांच्यासह त्यांच्या दहा वर्षाच्या मुलीवर घरात शिरून सशस्त्र हल्ला केल्याच्या आरोपावरून पोलिसांनी गौरव कांतिलाल नाईक (वय २४) व नकुल मनोज बागूल (वय १८ दोघे रा.सुप्रिम कॉलनी यांना बुधवारी (ता.३१) दुपारी कुसुंबा येथून अटक केली. (father and daughter attack case 2 accused arrested by police jalgaon crime news)

सुप्रिम कॉलनीत किरकोळ मंगळवारी (ता.३०) वादातून कैलास पवार यांच्या घरात घुसून चार हल्लेखोरांनी कैलास व त्यांची मुलगी तेजस्विनी यांच्यावर चॉपरने वार करून गंभीर केले होते. जखमींच्या तक्रारीवरून एमआयडीसी पोलिस ठाण्यात गुन्हा दाखल करण्यात आला होता. मात्र, घटनेनंतर फरार असलेले हल्लेखोर गौरव नाईक व नकुल बागूल यांना आज पोलिसांनी कुसुंबा येथे जाऊन उचलले.

एमआयडीसीचे पोलिस निरीक्षक जयपाल हिरे यांना यांच्या मार्गदर्शनाखाली उपनिरीक्षक दीपक जगदाळे, सहाय्यक फौजदार अतुल वंजारी, विजय पाटील, किशोर पाटील, सचिन पाटील, छगन तायडे, किरण तायडे, राहुल रगडे या पथकाने कुसुंबा गावातून दोघांना ताब्यात घेतले. आणखी दोन संशयित असल्याचे पोलिस इतर साथीदारांचा शोध घेत आहे.