Jalgaon : कौटुंबिक वादातून न्यायालयासमोर 2 गटांत ‘फ्री स्टाइल’

रावेर (जि. जळगाव) : कौटुंबिक वादातून येथील न्यायालयासमोर दोन गटांत हाणामारी (Fight) होऊन तीन जण जखमी (Injured) झाले. या प्रकरणी परस्परविरोधी तक्रारीवरून रावेर पोलिस ठाण्यात पाच जणांविरुद्ध गुन्हा (Crime) दाखल झाला आहे. (Freestyle fight before court in 2 groups over family dispute Jalgaon Crime News)

विनोद कोळी (रा. नायगाव, ता. मुक्ताईनगर) हा त्याच्या मित्रांसोबत सोमवारी (ता. १३) येथील न्यायालयात आला होता. त्या वेळी न्यायालयाजवळून जात असताना ईश्वर कोळी, दीपक कोळी व पूनम कोळी (सर्व रा. कांडवेल, ता. रावेर) यांनी कौटुंबिक वादाच्या कारणावरून दोघांना मारहाण केली तर विनोद कोळी याच्या डोक्यात दगड मारून शिवीगाळ केली. याप्रकरणी पोलिस ठाण्यात विनोद कोळी यांच्या फिर्यादीवरून ईश्वर कोळी, दीपक कोळी, पूनम कोळी (सर्व रा. कांडवेल) या तिघांविरुद्ध गुन्हा दाखल करण्यात आला आहे तर समाधान कोळी व विनोद कोळी यांनी ईश्वर कोळी यास मारहाण केली. तसेच विनोद याने दगड उचलून मारला यामुळे ईश्वर जखमी झाले. याबाबत पूनम कोळी यांनी रावेर पोलिस ठाण्यात दिलेल्या फिर्यादीवरून तीन जणांविरुद्ध गुन्हा दाखल झाला आहे.