Jalgaon News : ‘हतनूर’चे 6 दरवाजे अर्धा मीटरने उघडले; टप्प्या टप्प्याने विसर्ग वाढणार

Jalgaon News : तालुक्यातील हतनूर धरणात सोमवारी (ता.१०) रात्री तापी व पूर्णा नदीच्या पाणलोट क्षेत्रात मोठ्या प्रमाणात पाऊस झाल्यामुळे तापी व पूर्णा नदीच्या पाणीपातळीत वाढ होत आहे. (Hatnur dam 6 doors were opened by half meter jalgaon news)

धरण भरल्याने टप्प्या टप्प्याने पाण्याचा विसर्ग वाढविण्यात येणार आहे. सद्यःस्थिती पाहून हतनूर धरणाचे ६ दरवाजे अर्धा मीटरने उघडले असून, त्यातून १९८.०० घनमीटर (प्रति सेकंद) एवढा विसर्ग तापी नदीपात्रात सोडण्यात आला आहे.

हेही वाचा : Credit Card फसवणूक....काय घ्याल काळजी?

हतनूर धरणाखालील ग्रामस्थांना सूचित करण्यात येते, की कोणीही तापी नदीपात्रात जाऊ नये किंवा जनावरे नेऊ नयेत, तसेच आवश्यक ती खबरदारी घेण्याचे आवाहन देखील शाखा अभियंता जी. एस. चौधरी यांनी केले आहे.