Kirankumar Bakale Controversy : बकालेंच्या अटकेचा मार्ग मोकळा

जळगाव : मराठा समाजाबद्दल आक्षेपार्ह वक्तव्य केल्याप्रकरणी दाखल गुन्ह्यात स्थानिक गुन्हे शाखेचे तत्कालीन निलंबित निरीक्षक किरणकुमार बकालेचा अटकपूर्व जामीन अर्ज जिल्हा न्यायालयानंतर औरंगाबाद खंडपीठानेही फेटाळला आहे.
मराठा समाजाविषयी आक्षेपार्ह वक्तव्य केल्याप्रकरणी दाखल गुन्ह्यात अटकपूर्व जामीन मिळावा यासाठी निरीक्षक किरणकुमार बकाले यांनी जिल्हा न्यायालयात अर्ज दाखल केला होता. तो फेटाळल्यानंतर जिल्हा न्यायालयाच्या निर्णयास बकाले यांच्या वतीने मुंबई उच्च न्यायालयाच्या औरंगाबाद खंडपीठात आव्हान देण्यात येऊन अटकपूर्व जामिनासाठी अर्ज करण्यात आला.(Kirankumar Bakale Controversy Case Bench rejected the pre arrest bail application Jalgaon News)

दोघा बाजूंनी प्रभावी युक्तिवाद
जामीन अर्जावर दोन्ही पक्षाकडून जोरदार युक्तिवाद झाल्यानंतर आज खंडपीठाने, बकालेंचा अटकपूर्व जामीन अर्ज फेटाळून लावला आहे.
मराठा समाजातर्फे जल्लोष
खंडपीठाने बकाल यांचा अटकपूर्व जामीन फेटल्यानंतर मराठा समाजाच्या कार्यकर्त्यांतर्फे जल्लोष करण्यात आला. फिर्यादी विनोद देशमुख यांनी देखील याबाबतची पोस्ट सोशल मीडियात व्हायरल केली आहे.
अटकेचा मार्ग मोकळा
या प्रकरणाचा तपास जिल्हापेठ पोलिस ठाण्याचे निरीक्षक यांच्याकडून काढून, तो डीवायएसपी संदीप गावित यांच्याकडे सोपवण्यात आला आहे. त्यांनी बकाले यांच्या शोधार्थ तीन पथकांची नेमणूक केली होती. यातील दोन पथके नुकतीच रिकाम्या हाती परत आली होती. आता खंडपीठाने जामीन फेटाळल्यानंतर बकाल यांच्या अटकेसाठी नव्याने प्रयत्न करावे लागणार आहेत. दरम्यान, मराठा समाजातर्फे जिल्हाधिकारी कार्यालयासमोर साखळी उपोषण अद्यापही सुरू आहे.