जळगाव ः महाराष्ट्र दुय्यम सेवा अराजपत्रित गट ब संयुक्त (पूर्व) परिक्षा २०२० च्या सकाळ सत्राची परीक्षा सकाळी ११ ते १२ या वेळेत झाली. या परिक्षेसाठी जिल्ह्यातून ११ हजार ४६३ विद्यार्थ्यांनी अर्ज भरले होते. त्यातील ७ हजार ५४० विद्यार्थी प्रत्यक्ष परीक्षेसाठी (MPSC Exam) हजर होते. अशी माहिती निवासी उपजिल्हाधिकारी राहूल पाटील (Deputy Collector Rahul Patil) यांनी दिली. या परीक्षेत ३ हजार ९२३ विद्यार्थ्यांनी दांडी मारली.
जळगाव जिल्ह्यातील ३५ परीक्षा उपकेंद्रावर झालेल्या या परीक्षेसाठी ११३० अधिकारी व कर्मचाऱ्यांची नियुक्ती करण्यात आली होती. सर्व परीक्षा उपकेंद्रावर पोलीसांनी बंदोस्त ठेवला होता. एमपीएससी परिक्षा अनेक विद्यार्थ्यांचे आयूष्य बदलवित असते. मात्र आज तब्बल चार हजार विद्यार्थ्यांनी परिक्षा दिली नाही. विविध कारणे असतील परिक्षा न देण्याचे मात्र एमपीएससी परिक्षेत पास झाले तर भविष्य उज्वल असू शकते. असे असताना अनेकांनी परिक्षेला दांडीच मारल्याने आश्‍चर्य व्यक्त होत आहे.
नियमांचे पालक करतांना उडाला गोंधळ
शहरासह जिल्ह्यात अनेक परिक्षांचे केंद्रे होते. कोरोना नियमांचे पालन करताना गोंधळ होईल. अशी शक्यता होती. मात्र जिल्हा प्रशासनाने सर्वच विद्यार्थ्यांना वेळेच्या आधी दीड तास बोलाविल्याने सर्वांची तापमान तपासणी करता आली. सोबत ज्या वस्तू परिक्षा केंद्रात नेण्यास बंदी होती त्याही जप्त करण्यात आल्या. सर्वांना ओळखपत्र त्यांचेच आहे ना याची तपासणी करून परिक्षा केंद्रात सोडण्यात आले होते.
पालकांचीही गर्दी
परिक्षा केंद्राबाहेर परिक्षार्थी सोबतच पालक, पती, पत्नीचे गर्दी आज पहावयास मिळाली. सकाळी नऊ पासूनच परिक्षा केंद्राच्या बाहेरील परिसरात गर्दी होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
