esakal | पारोळाः पैशांचा वाद..आईसमोरच विवाहित मुलीचा विषपाजून खून
sakal

बोलून बातमी शोधा

Death

पारोळाः पैशांचा वाद..आईसमोरच विवाहित मुलीचा विषपाजून खून

sakal_logo
By
संजय पाटील

पारोळा : पैशाच्या वादातून 28 वर्षीय विवाहितेला (Woman) मारहाण (Beating) करत जबरदस्तीने आईसमोर विष पाजून तिचा खून (Poisoning Murder) केल्याची घटना ता. 13 रोजी सकाळी नऊ वाजता धरणगाव रस्ता जवळील एका शेतात (Farm) ही घटना घडली.

हेही वाचा: जिल्हा बँक निवडणूकःएकनाथ खडसेंनी कन्येसह भरला उमेदवारी अर्ज


याबाबत मिळालेल्या माहितीनुसार बुधवार रोजी सकाळी उषाबाई प्रकाश खाडे रा.राजीव गांधी नगर पारोळा या आपली विवाहित मुलगी पूजा संदीप शिंदे तिच्या सोबत शेतात काम करत होत्या. अचानक झोडगे येथील रहिवासी संशयित पंकज हिलाल चौधरी हा दुचाकीने शेतात आला त्याने माझे पंधरा हजार रुपये द्यावे अशी मागणी करत पूजाला मारहाण केली. पती त्रास देत असल्याने ती दोन वर्षापासून माहेरात असून मी कोणतेही पैसे घेतले नाही पती किंवा सासरे यांनी पैसे घेतले असतील असे पूजाने त्याला सांगितले मात्र संशयित चौधरीने काहीही ऐकून न घेता पूजाचा गळा दाबला तसेच जवळचे पडलेले विषारी औषध तिला पाजले. पूजाच्या आई समोरच ही घटना घडली. पूजाची आई उषाबाई खाडे यांनी विरोध केला त्यांच्यात झटापटी झाली मात्र त्यांना ढकलून दिले.

हेही वाचा: साक्रीः लग्नापूर्वी तरुणावर काळाची झडप..डेंग्यूमुळे मृत्यू


संशयिताने आणले रूग्णालयात
दरम्यान घटनेनंतर संशयीत पंकज चौधरी घाबरला त्याने पूजाला दुचाकीवर बसून पारोळा कुटीर रुग्णालयात आणले त्यानंतर संशयित पसार झाला. उपचारादरम्यान त्याचा मृत्यू झाला. याप्रकरणी पारोळा पोलिसात गुन्हा दाखल करण्यात आला असून तपास पोलिस करीत आहे

loading image
go to top