Jalgaon : नाशिक पुरातत्व विभागाच्या पथकाची भुईकोट किल्ल्यास भेट

पारोळा (जि. जळगाव) : नाशिक पुरातत्व विभागाच्या (Nashik Archaeological Department) पथकाने पारोळा भुईकोट किल्ल्यास (Bhuikot Department) भेट देऊन खंदक व संपूर्ण किल्ल्याची पाहणी केली. या वेळी सहाय्यक संचालक आरती आढे, अभियंता स्मिता कासार पाटील, पॅनल आर्किटर योगेश कासार, सोबत राजा शिवछत्रपती परिवाराचे डॉ. गोपाल पाटील, डॉ. मनीष पाटील, दीपक पाटील, नितीन पाटील यांची उपस्थिती होती. (Nashik Archaeological Department visited Bhuikot fort at parola Jalgaon News)

या वेळी त्यांनी सांगितले, की खंदक स्वच्छता मोहीम राबविण्याबाबत पारोळा पालिकेकडून आमच्या विभागास माहिती मागवली असून, त्या बाबत स्थानिक आमदारांशी चर्चा करून पुढील निर्णय घेतला जाईल.

याबाबत गेल्या महिन्यात राजा शिवछत्रपती परिवाराने घेतलेल्या स्वच्छता मोहिमेत जिल्हाधिकाऱ्यांनी स्वच्छता करण्याबाबत शब्द दिला होता. पारोळा नगरपालिकेने सहभागी होऊन आपल्या शहरातील भुईकोट किल्ल्याच्या खंदकाची स्वच्छता व सुशोभीकरण करण्यासाठी प्रयत्न सुरू केले आहे. त्यासाठी या कामाची पाहणी करण्यासाठी वरील मान्यवर आले होते.