Jalgaon News : गिरणा पात्रातून 6 ट्रॅक्टर ताब्यात; अचानक कारवाईने वाळूमाफिया भयभीत

जळगाव : गिरणा नदीपात्रातून बांभोरी ते जळगाव, तसेच सावखेडा शिवारातून वाळूची अवैधरीत्या वाहतूक करणाऱ्या ट्रॅक्टरवर तालुका पोलिसांनी कारवाई केली. या कारवाईत सुमारे सहा ट्रॅक्टर व ट्रॉली जप्त करण्यात आली आहे.

त्यांच्याविरुद्ध गुन्हा दाखल करण्यात आला आहे. एकाच दिवशी विनाक्रमांकाच्या ट्रॅक्टरमधून वाळूची वाहतूक करणाऱ्यांवर कारवाई केल्यामुळे वाळूमाफियांचे धाबे दणाणले आहे. (Six tractors seized from mill vessel sudden action scared sand mafia Jalgaon News)

राष्ट्रीय महामार्गावर बांभोरी ते जळगावदरम्यान पोद्दार शाळेवर विनाक्रमाकांच्या ट्रॅक्टरवर तालुका पोलिसांनी शुक्रवारी (ता. ३) दुपारी कारवाई केली. या कारवाईत एक ब्रास वाळूसह ट्रॅक्टर जप्त करण्यात आले असून, याप्रकरणी पोना हरिश शिंपी यांच्या फिर्यादीवरून अज्ञात चालकाविरोधात गुन्हा दाखल करण्यात आला आहे.

तर दुसरी कारवाई महामार्गावर हॉटेल साई पॅलेससमोर करण्यात आली. या कारवाईत पोलिसांनी वाळूसह ट्रॅक्टर ट्रॉली जप्त केली असून, विनाक्रमाकांच्या ट्रॅक्टवरवरील अज्ञात चालकाविरोधात पोलिस कॉन्स्टेबल विनोद सोनवणे यांच्या फिर्यादीवरून गुन्हा दाखल झाला आहे. तिसऱ्या कारवाई महामार्गावरील हॉटेल मराठासमोर एक ट्रॅक्टर पकडले.

हेही वाचा : 'पठाण'..आणि २०२३ मधले बाॅलीवूड..कसे असतील दिवस

वाळूसह विनाक्रमाकांची ट्रॅक्टर ट्रॉली जप्त करण्यात आली असून, तालुका पोलिसांत गुन्हा दाखल झाला आहे. तसेच खोटेनगर स्टॉपजवळून वाळूची चोरटी वाहतूक करणाऱ्या विनाक्रमाकांचे ट्रॅक्टर पकडे असून, तालुका पोलिसांनी अज्ञात चालकाविरोधात गुन्हा दाखल केला आहे. महामार्गावरून चोरटी वाहतूक करणाऱ्या ट्रॅक्टरवर कारवाई केल्यानंतर पोलिसांनी सावखेडा शिवारातून वाळूचे दोन ट्रॅक्टरवर कारवाई केली. ट्रॅक्टरचालक विशाल नरेंद्र पवार (वय २१, रा. सावखेडा बु., ता. जळगाव) याच्याविरुद्ध तालुका पोलिस ठाण्यात गुन्हा दाखल करण्यात आला आहे.