Crime Update : माथेफिरूंनी लावली Parkingमधील वाहनांना आग

जळगाव : गुरुवारी पहाटेच्या सुमारास गणेशनगरातील रहिवासी असलेल्या व्यावसायिकांची कार व दुचाकी अशी दोन वाहने अज्ञात माथेफिरूंनी जाळल्याचा प्रकार उघडकीस आला.दोन दिवसांपूर्वीच रामानंदनगर पोलिस ठाण्याच्या हद्दीत माथेफिरूंनी दोन वाहने जाळल्याची घटना घडल्यानंतर पुन्हा अशीच घटना घडल्याने खळबळ उडाली आहे.

गणेशनगरातील संतबाबा हरदासराम हाउसिंग सोसायटीतील गंगा अपार्टमेंटमध्ये संतोष श्‍यामलाल कुकरेजा राहतात. त्यांनी आपली कार (एमएच १९, एएक्स २८१४) गुरुवारी रात्री अपार्टमेंटमधील वाहनतळाच्या ठिकाणी लावली होती.(Stupid young mans set fire to vehicles in parking lot Jalgaon Crime News)

मध्यरात्री दोनच्या सुमारास दोन अज्ञात तरुणांनी त्यांच्या घराचा दरवाजा ठोठावला. या वेळी कुकरेजा दरवाजा उघडून बाहेर आले असता, त्यांना त्या तरुणांनी तुमच्या गाडीला दोन जण आग लावून पळून गेल्याचे सांगितले. कुकरेजा धावतच पार्किंगमध्ये गेले. या वेळी त्यांना गाडीला आग लागल्याचे दिसून आले. त्यांनी लागलीच हेल्पलाइन क्रमांक ११२ वर कॉल करून पोलिसांना घटनेची माहिती दिली.

दुचाकीही पेटविली

या अपार्टमेंटमध्ये कारला आग लावल्यानंतर त्या ठिकाणाहून थोड्या अंतरावर असलेल्या सुनीलकुमार रिझूराम मतानी (रा. गोधडीवाला अपार्टमेंट) यांची दुचाकी (एमएच १९, एझेड ७११४) माथेफिरूंनी जाळून त्या ठिकाणाहून पळ काढला. या प्रकरणी पोलिसांत गुन्हा दाखल झाला आहे.