Crime Update : विवाहितेवर अत्याचार करून व्हिडिओ व्हायरलची धमकी

भडगाव (जि. जळगाव) : शहरातील तीस वर्षीय विवाहितेवर अत्याचार करून त्याचा व्हिडिओ व्हायरल करण्याची धमकी दिल्याचा संतापजनक प्रकार घडला आहे. या प्रकरणी एकावर गुन्हा दाखल करण्यात आला आहे. (Video viral threat after raping married woman Jalgaon crime Latest Marathi News)

शहरात तीस वर्षीय विवाहिता ही आपल्या पती, आई-वडील व भावासह वास्तव्याला आहे. संशयित योगेश महाजन याने विवाहितेला त्याच्या दुकानात बोलावून जबरदस्तीने अत्याचार केले. एवढेच नाही तर विवाहितेवर केलेल्या अत्याचाराचे व्हिडिओ देखील काढले. त्यानंतर ते व्हिडिओ पती, आई-वडील व भावाला पाठवून देण्याची धमकी देत गेल्या दोन वर्षांपासून वारंवार अत्याचार केले. तसेच विवाहितेला अश्लील शिवीगाळ करून धमकी देत होता.

हा प्रकार विवाहितेला असहाय्य झाल्याने अखेर भडगाव पोलिस ठाण्यात धाव घेतली. विवाहितेने दिलेल्या तक्रारीवरून संशयित योगेश महाजन (वय ४०, रा. खोलगल्ली, भडगाव) याच्याविरोधात अत्याचाराचा गुन्हा दाखल झाला आहे. पोलिस निरीक्षक अशोक उतेकर तपास करीत आहेत. संशयिताला आज अटक केल्याचे पोलिसांनी सांगितले.