Jalgaon : Truck Reverse घेताना हमालाचा मृत्यू; MIDCत अपघात

जळगाव : एमआयडीसीत ट्रक मागे घेत असताना, अंगावरून गेल्याने हमालाचा जागीच मृत्यू झाला. याबाबत गुरुवारी (ता. १७) अज्ञात ट्रक चालकाविरोधात गुन्हा दाखल झाला आहे.

भगवान पाशिया मीणा (वय २०) आणि त्याचा काकाचा मुलगा ईश्वर मेगवाल (२२, दोघे रा. कुनटा तहसील, जि. प्रतापगड, राजस्थान) जळगाव एमआयडीसीतील के सेक्टरमध्ये गिरनार ट्रान्सपोर्टसमोर मोकळ्या जागेत हमालीचे काम करतात. (Worker Dies Taking Truck Reverse Accident at MIDC Jalgaon News)

गुरुवारी सकाळी सहाच्या सुमारास भगवान मीणा आणि त्याच्या काकाचा मुलगा ईश्वर मेगवाल गिरनार ट्रान्सपोर्टसमोरील मोकळ्या जागेत झोपले असताना, अज्ञात ट्रकचालकाने ट्रक रिव्हर्स घेत असताना, दोघांच्या अंगावरून ट्रक नेला.

यात भगवान गंभीर जखमी झाला, तर त्याचा काकाचा मुलगा ईश्वर मेगवाल याचा मृत्यू झाला. याप्रकरणी भगवान मीणा यांच्या फिर्यादीवरून ट्रकचालकाविरोधात एमआयडीसी पोलिस ठाण्यात गुन्हा दाखल झाला आहे. दत्तात्रय बडगुजर तपास करीत आहे.