Jalgaon News : किरकोळ कारणावरून तरुणाला मारहाण

जळगाव : शहरातील काशिनाथ चौक परिसरात रंग लावू दिला नाही, म्हणून दोन भामट्यांनी एकाला बेदम मारहाण केली. (young man was beaten for minor reason jalgaon crime news)

एमआयडीसीतील जी-सेक्टरमधील भाग्यलक्ष्मी इंडस्ट्रीजजवळील महेश संतोष मुंदडा (वय २३) मंगळवारी (ता. ७) धूलिवंदनच्या दिवशी काशिनाथ चौक परिसरात आला असता, अक्षय कैलास कुंभार व भूषण ऊर्फ भगवान पाटील आले.

दोघांनी महेश यास रंग लावू दे नाही, तर दारू पाज, असे सांगितले. महेशने नकार दिल्याने अक्षय व भूषण या दोघांनी महेश यास चापटाबुक्क्यांनी, लाथाबुक्क्यांनी मारहाण केली. तसेच शिवीगाळ करत तोंडावर दगड मारून दुखापत केली.

हेही वाचा : देशातले ३२ म्युच्युअल फंडांचं व्यवस्थापन आहे महिलांच्या हाती...

रुग्णालयात उपचार घेतल्यानंतर पाच दिवसानंतर महेश मुंदडा याच्या तक्रारीवरुन एमआयडीसी पोलीस ठाण्यात अक्षय कुंभार (रा. प्रजापत) व भूषण पाटील (रा. मेस्कोमातानगर) या दोघांविरोधात गुन्हा दाखल झाला आहे. सहाय्यक फौजदार महेंद्रसिंग पाटील तपास करीत आहेत.