मुंबई : शिवसेना प्रमुख आदित्य ठाकरे यांच्या जनआशीर्वाद यात्रेचा चौथा टप्पा शनिवार (ता.14) पासून सुरू होत असून यात्रेच्या निमित्ताने ते संपूर्ण कोकण पिंजून काढणार आहेत.
जनाशीर्वाद यात्रेच्या निमित्ताने आदित्य ठाकरे कोकण प्रांत पिंजून काढणार आहेत. खासदार नारायण राणे यांच्या सिंधुदुर्ग जिल्ह्यातून ते आपल्या जनआशीर्वाद यात्रेला सुरुवात करतील.
14 तारखेला सावंतवाडी, कुडाळ, कणकवली, राजापूर आणि रत्नागिरीला संवाद साधतील. यानंतर 15 तारखेला गुहागर, चिपळूण, खेड, महाड आणि पेण तालुका ते पिंजून काढणार आहेत. 16 तारखेला अलिबाग, पेण, कर्जत, उरण, पनवेल, बेलापूर, ऐरोलीला ते कार्यकर्त्यांशी संवाद साधतील. तर 17 तारखेला वसई, नालासोपारा, बोईसर, पालघर आणि ठाणे शहराला भेट देऊन जनआशीर्वाद यात्रेला संबोधित करतील.
कोकण हा शिवसेनेचा गड मानला जातो. दीपक केसरकर, उदय सामंत, भास्कर जाधव, गणेश नाईक यांच्यासारखे दिग्गज नेते शिवसेनेत आल्याने कोकणात शिवसेनेला 'अच्छे दिन' आले आहेत. तर नारायण राणे यांची कोंडी झाली आहे. यातच आता विधानसभा निवडणुका तोंडावर आहेत. शिवसेनेला कोकणाकडून खूप अपेक्षा आहेत. अशातच आदित्य ठाकरे यांची जनआशीर्वाद यात्रा कोकणात दाखल झाल्याने सर्वांचं लक्ष या यात्रेकडे लागलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
