नितेश राणेंच्या नियमित जामिन अर्जावर सोमवारी होणार फैसला I Nitesh Rane | Sakal
sakal

बोलून बातमी शोधा

nitesh rane

नितेश राणे यांना अटक होणार की नाही ? याबाबत सोमवारी स्पष्ट होणार आहे.

नितेश राणेंच्या नियमित जामिन अर्जावर सोमवारी होणार फैसला

ओरोस - आमदार नितेश राणे यांच्या नियमित जामिन अर्जावर सोमवारी सुनावणी होणार आहे. जिल्हा न्यायालयात आर.बी.रोटे यांच्या न्यायालयात ही सुनावणी घेण्यात आली. शिवसैनिक संतोष परब (Santosh Parab) हल्ला प्रकरणी सर्वोच्य न्यायालयाने अटकपूर्व जामीन फेटाळल्या नंतर नितेश राणे आज सिंधुदुर्ग जिल्हा (Sindhudurg District) न्यायालयात हजर झाले. यानंतर त्यांनी नियमित जामिनासाठी अर्ज दाखल केला होता. या अर्जावर न्यायाधीश आर.बी.रोटे यांच्या न्यायालयात प्राथमिक सुनावणी होत न्यायालयाने याबाबत सोमवारी ३१ जानेवारी रोजी सुनावणी घेण्यात येणार असल्याचे सांगितले. त्यामुळे नितेश राणे (Nitesh Rane) यांना अटक होणार की नाही ? याबाबत सोमवारी स्पष्ट होणार आहे.

हेही वाचा: नितेश राणे जिल्हा न्यायालयात हजर; घडामोडींना वेग!

आमदार नितेश राणे यांनी आज पावणे बारा वाजण्याच्या सुमारास जिल्हा न्यायालयात दाखल झाले होत. त्यांच्या समवेत माजी खासदार निलेश राणे यांच्यासह भाजप (BJP) पदाधिकारी व कार्यकर्ते मोठ्या संख्येने उपस्थित आहेत. त्यामुळे नितेश राणे यांच्या जामीन अर्जावर सुनावणी कधी होईल ? आज झाली तर जामीन मिळेल का ? याबाबत उलटसुलट चर्चा सुरू होती. मात्र आता न्यायालयाने त्यांना सोमवार पुन्हा एकदा हजर होण्यास सांगितलं आहे. (Supreme Court)

कणकवली शहरातील नरडवे फाटा येथे शिवसैनिक संतोष परब (Santosh Parab) यांच्यावर हल्ला झाला होता. या हल्ल्याचा कट रचणे व कटात सामील असल्याच्या संशयावरून कणकवली पोलिसांत गुन्हा दाखल करण्यात आला होता. गुन्हा दाखल झाल्यानंतर आ राणे यांनी जिल्हा न्यायालयात अटकपूर्व जामिनासाठी अर्ज दाखल केला होता.

हेही वाचा: नितेश राणे यांची सिंधुदुर्ग पोलिसांकडून दीड तास चौकशी

Web Title: Nitesh Rane District Court Decision Take 31 January On Monday

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top