लाईव्ह न्यूज

साहसी खेळ शिबिराला आंबोलीत उत्स्फूर्त प्रतिसाद

साहसी खेळ शिबिराला आंबोलीत उत्स्फूर्त प्रतिसाद
Published on: 

swt४११.jpg
61611
आंबोलीः येथे पार पडलेल्या शिबिरात प्रशिक्षण घेताना विद्यार्थी-विद्यार्थीनी.

साहसी खेळ शिबिराला
आंबोलीत उत्स्फूर्त प्रतिसाद
सकाळ वृत्तसेवा
सावंतवाडी, ता. ६ः दि कर्नल्स अकॅडमी फॉर अडवेंचर अँड अ‍ॅरो स्पोर्ट्स व सिंधुदुर्ग सैनिक स्कूल अँड ज्युनियर कॉलेज, आंबोलीतर्फे २६ एप्रिल ते २ मे या कालावधीमध्ये साहसी खेळांचे शिबिर घेण्यात आले. या शिबिरामध्ये १० वर्षांवरील मुला-मुलींना सहभाग घेतला. महाराष्ट्र, गोवा व कर्नाटक या विविध भागातून आंबोली या पर्यटन स्थळी या साहसी शिबिरात ५० मुले-मुली सहभागी झाले होते.
आंबोली येथे सिंधुदुर्ग डिस्ट्रिक्ट एक्स सर्व्हिसमेन असोसिएशन सिंधुदुर्ग संचलित दि कर्नल्स अकॅडमी फॉर अडवेंचर अँड अँरो स्पोर्ट्स व सिंधुदुर्ग सैनिक स्कूल अँड ज्युनिअर कॉलेज आंबोली यांच्यावतीने ही शिबिरे आयोजित केली जातात. यामध्ये सहभागी मुला-मुलींना पी.टी, योगासने, मार्शल आर्ट, नेमबाजी, रॅपलिंग,रॉक क्लायबिंग, बर्ड अँड प्लांट ऑब्झर्वेशन, व्हॅलीक्रॉसिंग, ट्रॅकिंग व लीडरशिप डेव्हलपमेंट इत्यादी प्रकारचे प्रशिक्षण अनुभवी व प्रशिक्षित महिला व पुरुष प्रशिक्षकांकडून दिले जाते.
नियमित अभ्यास आणि पुस्तकांच्या ओझ्याखालून बाहेर काढून मुलांना निसर्गाच्या सानिध्यात साहसी खेळाबरोबर मुलांमध्ये नेतृत्व गुणांचा विकास करणे व सुक्त गुणांना वाव देणे तसेच त्यांचा आत्मविश्वास वाढवणे, हे या शिबिराचे उद्दिष्ट आहे. प्रारंभी सैनिक स्कूलचे सहाय्यक शिक्षक नागेश पांढरे व मायाप्पा शिंदे यांनी प्रशिक्षणार्थी व पालकांचे स्वागत करून शिबिराचे महत्व विशद केले. मुलामुलींसाठी पुर्णतः निवासी असलेल्या या शिबिराचे उद्घाटन प्राचार्य नितीन गावडे यांच्या हस्ते झाले. यावेळी प्राचार्य यांनी आपल्या मार्गदर्शनात सैन्य दलातील विविध संधी व व्यक्तिमत्व विकासासाठी निवासी शिबिरांची गरज याविषयी सविस्तर मार्गदर्शन केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com