एका वर्षात दोनदा रंगणार IPL चा थरार, फॉरमॅटदेखील तयार?

गेल्याच आठवड्यात आयपीएल १५ व्या सीझनची सांगता झाली. टीम इंडियाचा ऑलराऊंडर हार्दिक पांड्याच्या नेतृत्वाखाली गुजरात टायटन्सने राजस्थानचा सात विकेट्सने पराभव करत जेतेपदाला गवसणी घातली. आयपीएलचा सीझन संपला असला तरी क्रिकेट प्रेमी अजुनही आयपीएलच्या फिव्हर आहेत. दरम्यान, क्रिकेट चाहत्यासाठी आनंदाची माहिती समोर आली आहे. एका वर्षात दोन वेळा आयपीएलचा थरार रंगणार असल्याची भविष्यवाणी माजी दिग्गज क्रिकेटरने केली आहे.

आयपीएलच्या चर्चेदरम्यान टीम इंडियाचे माजी दिग्गज क्रिकेट आकाश चोप्रा यांनी मोठी भविष्यवाणी केली आहे. आकाश चोप्रा यांनी दिलेल्या माहितीनुसार, आगामी काळात एक वर्षात दोन वेळा आयपीएल खेळवण्यात येणार आहे. आणि या विधानात तथ्य असल्याचेही चोप्रा यांनी म्हटलं आहे.

आपल्या युट्यूब चॅनेलवर बोलताना चोप्रा यांनी माहिती दिली. गेल्या काही दिवसांपासून आयपीएलमध्ये काही बदल करण्यात आलं आहेत. त्यावरुन असे संकेत मिळतात की, आयपीएल ही स्पर्धा खुप मोठी असेल. मात्र, या गोष्टीला ५ वर्ष लागतील. पण नक्कीच एका वर्षात दोनदा आयपीएल खेळवण्यात येणार आहे.

या फॉरमॅटमध्ये खेळवण्यात येणार २ आयपीएल

यंदाच्या सीझनमध्ये १० संघानी सहभाग घेतला होता आणि ७४ सामने खेळवण्यात आले होते. जर वर्षातून दोनदा आयपीएल खेळवण्यात आली तर ९४ मॅच खेळवण्यात येतील. आयपीएलची स्पर्धा लहान असेल जिथे संघ एकमेकांविरुद्ध फक्त एकच सामना खेळत असतील, हे छोटे आयपीएल एका महिन्यात संपू शकते. असे मतदेखील चोप्रा यांनी यावेळी व्यक्त केलं.