Asia Cup 2022 : मालिकेवर फोकस करा! IND vs PAK सामन्यापूर्वी गांगुलीचा रोहितला सल्ला

Asia Cup 2022 India vs Pakistan : झिम्बाब्वेमधील एकदिवसीय मालिकेसाठी संपल्यानंतर भारतीय संघ आशिया कप 2022 साठी यूएईला जाणार आहे. चार वर्षांनंतर आशियाई वर्चस्वाची लढाई होणार आहे. आशिया चषक 27 ऑगस्टपासून सुरू होत आहे, परंतु रोहित शर्माच्या नेतृत्वाखालील भारतीय संघ 28 ऑगस्ट रोजी दुबई आंतरराष्ट्रीय स्टेडियमवर त्यांच्या पहिल्या सामन्यात कट्टर प्रतिस्पर्धी पाकिस्तानशी सामना करणार आहे.

आशिया चषक 2022 मधील भारत विरुद्ध पाकिस्तान ब्लॉकबस्टर सामन्यापूर्वी BCCI अध्यक्ष आणि भारताचा माजी कर्णधार सौरव गांगुली यांनी मोठे वक्तव्य केले आहे. त्यांनी म्हटले आहे की, आशिया चषक ही भारत आणि पाकिस्तानमधील अशी मालिका नाही, त्यामुळे मालिका जिंकण्यावर लक्ष केंद्रित करणे गरजेचे आहे. भारत पाकिस्तान हा आशिया कपमधील एक सामना आहे. गेल्या वर्षी झालेल्या 20 विश्वचषकात भारत आणि पाकिस्तान आमनेसामने आले होते, ज्यात भारताचा 10 विकेट्सनी पराभव झाला होता.

आशिया कप आतापर्यंत 14 वेळा खेळल्या गेले आहे. भारताने 13 हंगामात भाग घेतला आणि सात वेळा चॅम्पियन होण्याचा मान मिळवला आहे. त्याचबरोबर आशिया चषकाच्या इतिहासात 14 वेळा भारतीय संघाने पाकिस्तानशी सामना केला आहे, ज्यामध्ये 8 सामने जिंकले आहेत आणि 5 सामने हरले आहेत. एक सामना अनिर्णित राहिला. त्याचवेळी, 2010 पासून आशिया चषक स्पर्धेत भारत आणि पाकिस्तान यांच्यात सहा सामने झाले आहेत, ज्यामध्ये भारताने पाच सामने जिंकले आहेत.

आशिया कपसाठी भारतीय संघ : रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, ऋषभ पंत (विकेटकीपर), दीपक हुड्डा, दिनेश कार्तिक (विकेटकीपर), हार्दिक पंड्या, रवींद्र जडेजा, आर. अश्विन, युझवेंद्र चहल, रवी बिश्नोई, भुवनेश्वर कुमार, अर्शदीप सिंग, आवेश खान.