AUS vs ENG: इंग्लंडच्या शेपटानं कांगारुंचा चौकार अडवला; मॅच ड्रॉ | Sakal
sakal

बोलून बातमी शोधा

Australia vs England 4th Ashes Test Match draw

AUS vs ENG: इंग्लंडच्या शेपटानं कांगारुंचा चौकार अडवला; मॅच ड्रॉ

Australia vs England 4th Ashes Test : ऑस्ट्रेलिया आणि इंग्लंड यांच्यात सिडनीच्या मैदानात रंगलेला चौथा कसोटी सामना अनिर्णित राहिला आहे. इंग्लंडच्या तळाच्या फलंदाजांनी जवळपास 10 षटके खेळून दाखवत संघावर ओढावणारा सलग चौथा पराभव टाळण्यात यश मिळवले. सलामीवीर झॅक क्राउले (Zak Crawley) 77 धावा, बेन स्टोक्सनं (Ben Stokes) 123 चेंडूचा सामना करत केलेल्या 60 धावा आणि जॉनी बेयरस्टोनं (Jonny Bairstow) 105 चेंडूत 41 धावांची खेळी इंग्लंडला सामना वाचवण्यासाठी उपयुक्त ठरली. ऑस्ट्रेलियाकडून स्कॉटनं सर्वाधिक तीन विकेट घेतल्या. पॅट कमिन्स (Pat Cummins), नॅथन लायन (Nathan Lyon) यांनी प्रत्येकी 2-2 तर कॅमरुन ग्रीनला एक विकेट मिळाली.

ऑस्ट्रेलियाने घरच्या मैदानावर इंग्लंडला सलग तीन सामन्यात पराभूत करत 5 सामन्यांची मालिका आधीच खिशात घातली होती. मात्र मालिकेत चौका मारण्याचा त्यांचा मोका हुकला. अखेरच्या 10 षटकात ऑस्ट्रेलियन संघाला सामना जिंकण्यासाठी दोन विकेट्सची गरज होती. मुख्य गोलंदाजांना विकेट मिळत नसल्यामुळे पॅट कमिन्सन चेंडू स्मिथच्या हाती दिला. त्यानेही कर्णधाराचा विश्वास सार्थ ठरवत जॅक लीचला (Jack Leach) बादही केले. पण अनुभवी जेम्स अँडरसन (James Anderson) आणि स्टुअर्ट ब्रॉड (Stuart Broad) यांनी दिवसाअखेरची मोजके चेंडू खेळून काढत सामना अनिर्णित राखला. दुसऱ्या डावात इंग्लंडच्या संघाने 9 विकेट्सच्या मोबदल्यात 270 धावांपर्यंत मजल मारली.

हेही वाचा: VIDEO : एका ओव्हरमध्ये दोनदा LBW; त्यानंतर कुटल्या नाबाद 186 धावा

ऑस्ट्रेलियाचा कर्णधार पॅट कमिन्सनं टॉस जिंकून पहिल्यांदा बॅटिंग करण्याचा निर्णय घेतला होता. उस्मान ख्वाजाचं शतक (Usman Khawaja) आणि स्टीव्ह स्मिथ (Steven Smith) च्या अर्धशतकाच्या जोरावर ऑस्ट्रेलियन संघाने पहिल्या डावात 8 बाद 416 धावांचा डोंगर उभारुन डाव घोषीत केला. इंग्लंडचा पहिला डाव 294 धावांत आटोपला. जॉनी बेयरस्टोचं शतक आणि बेन स्टोकच्या अर्धशतकाच्या जोरावर इंग्लंडला इथपर्यंत मजल मारणं शक्य झालं. ऑस्ट्रेलियाच्या दुसऱ्या डावात उस्मान ख्वाजानं पुन्हा नाबाद शतकी खेळी केली. त्याच्या या शतकानंतर ऑस्ट्रेलियाने इंग्लंडसमोर 388 धावांच लक्ष्य़ ठेवलं होते.

हेही वाचा: ऑस्ट्रेलिया ओपनआधी; अ‍ॅडलेडच्या कोर्टवर बोपन्ना-रामकुमार जोडीचा डंका

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top