Babar Azam : पत्रकार परिषदेत IPL च्या गुगलीवर बाबर भांबावला; अखेर मीडिया मॅनेजर आला धावून

Babar Azam Pak vs Eng Final T20 World Cup : ऑस्ट्रेलियात खेळल्या जात असलेल्या टी-20 विश्वचषक 2022 च्या अंतिम सामन्यात पाकिस्तान आणि इंग्लंडचे संघ 13 नोव्हेंबरला आमनेसामने येणार आहेत. दोन्ही संघ आपापले दुसरे विजेतेपद पटकावण्याच्या इराद्याने मैदानात उतरणार आहे. पाकिस्तानने 2009 मध्ये तर इंग्लंडने 2010 चा विश्वचषक जिंकला आहे. दरम्यान अंतिम सामन्यापूर्वी झालेल्या पत्रकार परिषदेत पत्रकाराने पाकिस्तानी कर्णधार बाबर आझमला आयपीएलवर प्रश्न विचारले. त्यावर बाबर आझमचे बोलती बंद झाली.

हेही वाचा : हिंदी चित्रपटांत का वाढते आहे हिंदुत्वाची कट्टरता?

पत्रकार परिषदेत बाबर आझम पत्रकारांना उत्तरे देत असतानाच एका पत्रकाराने आयपीएलशी संबंधित प्रश्न विचारला. रिपोर्टरने विचारले, आयपीएल तुम्हाला आणि तुमच्या टीमला मदत करेल असे तुम्हाला वाटते का? भविष्यात आयपीएल खेळण्याची आशा आहे का? या प्रश्नावर बाबर आझम काहीच उत्तर देऊ शकले नाहीत, तो आपल्या मीडिया मॅनेजरकडे पाहू लागला. यानंतर मीडिया मॅनेजर म्हणाले की, सध्या आपण विश्वचषक फायनलशी संबंधित प्रश्नांवरच बोले पाहिजेत असं सांगून प्रकरण हाताळलं.

आयपीएलच्या पहिल्या हंगामात पाकिस्तानच्या खेळाडू सहभाग झाले होते. आयपीएल 2008 मध्ये शोएब अख्तरपासून शाहिद आफ्रिदीपर्यंत अनेक पाकिस्तानी खेळाडू भारतीय मैदानावर दिसले. मात्र त्यानंतर त्याच वर्षी मुंबईत 26/11 च्या दहशतवादी हल्ल्यानंतर भारत आणि पाकिस्तानमधील संबंध ताणले गेले. तेव्हापासून भारत आणि पाकिस्तान यांच्यात कोणतीही द्विपक्षीय मालिका झालेली नाही किंवा पाकिस्तानी खेळाडू आयपीएलमध्ये खेळलेले नाहीत.