'बीसीसीआय'च्या सल्लागार समितीमध्ये 'हे' दोन माजी क्रिकेटपटू!
मुंबई : भारतीय क्रिकेट नियामक मंडळाच्या क्रिकेट सल्लागार समितीतील सदस्य म्हणून भारताचा माजी सलामीवीर गौतम गंभीर आणि माजी क्रिकेटपटू मदन लाल यांची निवड होणार असल्याची माहिती बीसीसीआयच्या एका अधिकाऱ्याने दिली.
या समितीकडूनच बीसीसीआयच्या नवीन निवड समितीची निवड केली जाणार आहे. भारतीय महिला क्रिकेट संघातील माजी क्रिकेटपटू सुलक्षणा नाईक यांची या समितीतील तिसऱ्या सदस्यपदी निवड होण्याची शक्यता आहे.
मदन लाल, 1983च्या विश्वकरंडक विजेत्या संघातील खेळाडू या समितीचे प्रमुख असतील. त्यांच्यासोबत गंभीर आणि नाईक यांचाही या समितीमध्ये समावेश असेल.
निवड समितीचे अध्यक्ष एमएसके प्रसाद आणि सदस्य गगन खोडा यांच्याजागी दुसऱ्या अध्यक्ष आणि सदस्यांची निवड करणे हे या सल्लागार समितीचे प्रमुख काम असणार आहे. या समितीबाबतची अधिकृत घोषणा मंगळवारी (ता.14) केली जाण्याची शक्यता आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.