IPL मधील गर्लफ्रेंड कल्चर बंद होणार? BCCI उचलणार कठोर पावलं, लवकरच नियम लागू होण्याची शक्यता

BCCI Set to Ban 'Girlfriend Culture': इंडियन प्रीमियर लीग २०२६ स्पर्धा (IPL 2026) सुरू आहे, अशात अनेक खेळाडू त्यांच्या कुटुंबासमवेत दिसत आहेत. काही खेळाडू त्यांच्या गर्लफ्रेंड्ससोबत (Cricketer's Girlfriend) फिरताना दिसले आहेत, यामध्ये हार्दिक पांड्या, यशस्वी जैस्वाल, अर्शदीप सिंग, ईशान किशन अशा अनेक भारतीय खेळाडूंचाही समावेश आहे.

मात्र आता याबाबत भारतीय क्रिकेट नियामक मंडळ (BCCI) मोठी पावलं उचलण्याची शक्यता आहे. खेळाडू सातत्याने आयपीएल २०२६ दरम्यान त्यांच्या गर्लफ्रेंड्ससोबत फिरताना दिसत असल्याने बीसीसीआय नाराज आहे.

परिणामी बीसीसीआय 'गर्लफ्रेंड कल्चर'ला (Girlfriend Culture) प्रतिबंध घालण्यासाठी नियम तयार करत आहे. कारण जर हा ट्रेंड कायम राहिला, तर मोठी समस्याही निर्माण होऊ शकते.