IPL 2026 Auction: वेंकटेश अय्यरची किंमत तब्बल १६.७५ कोटींनी झाली कमी! माजी विजेत्यांनी केलं खरेदी

आयपीएल २०२६ लिलाव मंगळावारी अबुधाबीमध्ये सुरू आहे. या लिलावात कॅमेरॉन ग्रीन सर्वात महागडा परदेशी खेळाडू ठरला. वेंकटेश अय्यरलाही कोट्यवधींची बोली लागली, पण त्याला गेल्यावर्षीच्या तुलनेत कमी किंमत मिळाली. .इंडियन प्रीमियर लीग २०२६ स्पर्धेचा लिलाव सध्या अबुधाबीमधील इतिहाद सेंटर येथे सुरू आहे. या लिलावात अनेक स्टार खेळाडूंकडे लक्ष आहे. लिलावाच्या सुरुवातीलाच ऑस्ट्रेलियाचा अष्टपैलू कॅमेरॉन ग्रीनला ऐतिहासिक बोली लागली. या लिलावात ७७ जागांसाठी ३६९ खेळाडू रिंगणात आहेत. या लिलावासाठी चर्चेत असलेल्या खेळाडूंपैकी वेंकटेश अय्यरही होता. त्यालाही मोठी बोली लागली असली, तरी गेल्यावर्षीच्या तुलनेत त्याला १६.७५ कोटी कमी किंमत मिळाली आहे..IPL 2025 Auction: कॅमेरॉन ग्रीनसाठी ऐतिहासिक बोली! KKR अन् CSK मध्ये जोरदार रस्सीखेच; बनला सर्वात महागडा परदेशी खेळाडू.या लिलावात पहिल्याच सत्रात अनेक प्रमुख आणि स्टार खेळाडूंची नावं लिलावात घेण्यात आली. काही चकीत करणारे निर्णय फ्रँचायझींकडून घेण्यात आले. एकिकडे कॅमेरॉन ग्रीनसाठी चेन्नई सुपर किंग्स आणि कोलकाता नाईट रायडर्स यांच्यात चुरस झाली, जी कोलकाताने जिंकली. कोलकाताने त्याच्यासाठी २५.२० कोटींची बोली लावली. तो सर्वात महागडा परदेशी ठरला असला, तरी दुसरीकडे जॅक फ्रेझर मॅकगर्क, लियाम लिव्हिंगस्टोन, रचिन रवींद्र, जॉनी बेअरस्टो यांसारखे परदेशी खेळाडू अनसोल्ड राहिले, तर पृथ्वी शॉ,सर्फराज खान हे भारतीय खेळाडूही पहिल्या फेरीत अनसोल्ड राहिले. अशात सर्वांचे लक्ष वेंकटेश अय्यरकडे होते..अष्टपैलू खेळाडूंच्या यादीत वेंकटेश अय्यरचे नाव आले. त्याची मुळ किंमत २ कोटी होती. त्याच्यासाठी लखनौ सुपर जायंट्सने बोलीची सुरुवात केली. त्यानंतर गुजरात टायटन्सही मैदानात आले. पण नंतर बराचवेळ रस्सीखेंच रॉयल चॅलेंजर्स बंगळुरू आणि कोलकाता नाईट रायडर्स यांच्यात झाली. पण अखेर ७ कोटींची बोली लावत बंगळुरूने त्याला आपल्या संघात घेतले. दरम्यान, गेल्यावर्षीच्या लिलावात त्याला २३.७५ कोटींची बोली कोलकाताने लावली होती. पण त्यांनी आयपीएल २०२६ लिलावापूर्वी त्याला संघातून बाहेर केले. आता वेंकटेश बंगळुरूकडून खेळताना दिसणार आहे..IPL 2026 Auction live : CSK ने स्वतःच्याच खेळाडूला 'परकं' केलं! MS DHONI चा विश्वासू गोलंदाज १८ कोटींत KKR च्या ताफ्यात.वेंकटेश अय्यरने मंगळवारीच सय्यद मुश्ताक अली टी२० ट्रॉफीमध्ये लिलावापूर्वी मध्यप्रदेशसाठी ४३ चेंडूत ७० धावांची खेळी केली आहे. त्याने भारतासाठी २ वनडे आणि ९ टी२० सामन खेळले आहेत. त्याने आत्तापर्यंत आयपीएलमध्ये कोलकाताकडूनच सामने खेळले आहेत. त्याने २०२१ मध्ये पदार्पण केले होते. त्यानंतर त्याने कोलकाताकडून ५ हंगाम खेळले. त्याने ६२ आयपीएल सामन्यांमध्ये एका शतकासह १४६८ धावा केल्या आहेत. आता बंगळुरू त्याचा आयपीएलमधील दुसरा संघ असेल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2026 Auction: वेंकटेश अय्यरची किंमत तब्बल १६.७५ कोटींनी झाली कमी! माजी विजेत्यांनी केलं खरेदी

Related Stories