IPL 2026 Point Table : पंजाब किंग्सची अपराजित मालिका खंडित! राजस्थान रॉयल्सचा दमदार विजय अन् गुणतालिकेत उलटफेर; वैभव सूर्यवंशी, यशस्वी जैस्वाल चमकले

Rajasthan Royals End Punjab Kings Unbeaten Run in IPL 2026 : पंजाब किंग्सची इंडियन प्रीमिअर लीग २०२६ मधील अपराजित मालिका खंडित झाली. राजस्थान रॉयल्सने मंगळवारी यजमानांच्या गोलंदाजांचा समाचार घेतला आणि २२३ धावांचे लक्ष्य सहज पार केले. वैभव सूर्यवंशीने ( Vaibhav Sooryavanshi) आक्रमक सुरुवात करून दिली आणि त्यानंतर यशस्वी जैस्वालच्या अर्धशतकाने PBKS ला बॅकफूटवर फेकले. युझवेंद्र चहलने ३ विकेट्स घेत पंजाबला पुनरागमनाची संधी तयार करून दिली होती. पण, डोनोव्हन फरेरा व इम्पॅक्ट प्लेअर शुभम दुबे यांनी RR चा विजय पक्का केला. PBKS चा हा ८ सामन्यांतील पहिला पराभव ठरला, तर RR ने ९ सामन्यांत सहावा विजय मिळवून १२ गुणांसह IPL 2026 Point Table मध्ये तिसऱ्या स्थानावर कूच केली.