वर्ल्ड टेस्ट चॅम्पियनशीप २०२३-२५ स्पर्धेचा अंतिम सामना होणे अद्याप बाकी आहे. हा अंतिम सामना ११ जूनपासून इंग्लंडमधील लॉर्ड्सवर खेळवला जाणार आहे. वर्ल्ड टेस्ट चॅम्पियनशीप २०२३-२५ स्पर्धेच्या पाँइंट्स टेबलमध्ये ऑस्ट्रेलिया आणि दक्षिण आफ्रिका यांनी पहिल्या दोन क्रमांकांमध्ये स्थान मिळवत अंतिम सामना गाठला आहे.
त्यांनी भारत, न्यूझीलंड, इंग्लंड सारख्या बलाढ्य संघांना मागे टाकत अव्वल क्रमांक मिळवला. आता मंगळवारी (१३ मे) ऑस्ट्रेलियापाठोपाठ दक्षिण आफ्रिकेनेही या अंतिम सामन्यासाठी संघाची घोषणा केली आहे.
