इंडियन प्रीमियर लीग स्पर्धेतील कट्टर प्रतिस्पर्धी म्हणून चेन्नई सुपर किंग्स विरुद्ध मुंबई इंडियन्स संघात होणाऱ्या सामन्याकडे पाहिले जाते. आयपीएलच्या १८ व्या हंगामात हे दोन प्रतिस्पर्धी रविवारी (२३ मार्च) आमने-सामने येणार आहेत.
चेन्नईचे घरचे मैदान चेपॉक स्टेडियमवर हा सामना भारतीय प्रमाणवेळेनुसार संध्याकाळी ७.३० वाजता सुरू होईल. या सामन्याच्या पूर्वसंध्येला मुंबई इंडियन्सचा प्रभारी कर्णधार सूर्यकुमार यादव पत्रकारपरिषदेसाठी उपस्थित होता. यावेळी त्याने अनेक मुद्द्यांवर भाष्य केले, पण शेवटच्या प्रश्नाने मात्र हास्य पिकले.
