Vaibhav Sooryavanshi: आधी शून्यावर आऊट झाला अन् मग डगआऊटमध्ये बसून जीभ दाखवू लागला, वैभवचा Funny Video व्हायरल

इंडियन प्रीमियर लीग २०२६ स्पर्धेच्या सुरुवातीपासून एक नाव चर्चेत आहे, ते म्हणजे वैभव सूर्यवंशी. आयपीएल २०२६ ला सुरुवात होण्याच्या एक दिवस आधीच १५ वा वाढदिवस साजरा करणाऱ्या वैभवने (Vaibhav Sooryavanshi) पहिल्या चारही सामन्यात त्याच्या बॅटची ताकद दाखवली आहे.

विशेष म्हणजे त्याने चेन्नई सुपर किंग्स, मुंबई इंडियन्स, रॉयल चॅलेंजर्स बंगळुरू अशा संघांविरुद्ध खेळातानाही स्फोटक फलंदाजी केली. मात्र पहिल्या चार सामन्यानंतर तो सनरायझर्स हैदराबादविरुद्ध मात्र सपशेल अपयशी ठरला. पण असे असतानाच त्याचा एक मजेशीर व्हिडिओ (Video Viral) समोर आला आहे.