भारताचा १९ वर्षांखालील संघही सध्या इंग्लंडमध्ये असून वनडे मालिका खेळत आहे. पहिल्या वनडेत भारताच्या युवा संघाने ६ विकेट्सने दणदणीत विजय मिळवला होता. त्यानंतर आता सोमवारी दुसरा वनडे सामना खेळला जात आहे.
नॉर्थम्पटनला होत असलेल्या दुसऱ्या वनडेतही भारताकडून १४ वर्षीय वैभव सुर्यवंशीचा आक्रमक अंदाज पुन्हा पाहायला मिळाला आहे. त्याने पहिल्या वनडेत ५ षटकार आणि ३ चौकारांसह ४८ धावांनी खेळी केली होती.
