SRH vs CSK: चेन्नईच्या संघात मोठा बदल होणार! स्पर्धेतून बाहेर झालेल्या खलील अहमदची जागा घेण्यासाठी ४ खेळाडूंचे पर्याय

CSK Marathi News: इंडियन प्रीमियर लीग २०२६ स्पर्धेत चेन्नई सुपर किंग्सला ६ वा सामना सनरायझर्स हैदराबादविरुद्ध शनिवारी (१८ एप्रिल) होणार आहे. हा सामना हैदराबादमधील राजीव गांधी आंतरराष्ट्रीय स्टेडियमवर खेळला जाणार आहे.

या सामन्यातून एमएस धोनीचे (MS Dhoni) पुनरागमन होणार की नाही, याकडे अनेकांचे लक्ष असणार आहे. कारण धोनीने पहिल्यांदाच संघासह दुसऱ्या शहरात प्रवास केला आहे. यापूर्वी घराबाहेर झालेल्या सामन्यांसाठी धोनीने प्रवास केला नव्हता.

मात्र धोनी हैदराबादमध्ये पोहचला आहे. पण तो खेळणार की नाही, हे अद्याप निश्चित नाही. पण असे असले तरी चेन्नई सुपर किंग्सला या सामन्यात एक बदल निश्चितपणे करावा लागणार आहे. कारण चेन्नई सुपर किंग्सचा (Chennai Super Kings) प्रमुख वेगवान गोलंदाज खलील अहमद (Khaleel Ahmed) या हंगामातून बाहेर झाला आहे.