IND vs AUS: टीम इंडियाच्या प्लेइंग-11 मधून कर्णधार रोहित 'या' खेळाडूचा पत्ता करणार कट

वर्ल्ड टेस्ट चॅम्पियनशिपच्या अंतिम फेरीत स्थान मिळवण्यासाठी कर्णधार रोहित शर्मा प्लेइंग 11 मध्ये घेणार अनेक मोठे निर्णय!
ind vs aus-1st-test-playing 11 captain Rohit Sharma
ind vs aus-1st-test-playing 11 captain Rohit Sharma

India vs Australia 1st Test Playing-11 : भारत आणि ऑस्ट्रेलिया यांच्यातील 4 सामन्यांच्या कसोटी मालिकेतील पहिला सामना नागपुरात 9 फेब्रुवारी ते 13 फेब्रुवारी दरम्यान भारतीय वेळेनुसार सकाळी 9.30 वाजता खेळल्या जाणार आहे. वर्ल्ड टेस्ट चॅम्पियनशिपच्या अंतिम फेरीत स्थान मिळवण्यासाठी कर्णधार रोहित शर्मा प्लेइंग 11 निवडण्यासाठी अनेक मोठे निर्णय घेऊ शकतो. मालिकेतील पहिल्या सामन्यात टीम इंडियाच्या एका खेळाडूला प्लेइंग 11 मध्ये स्थान मिळणे खूप कठीण जात आहे. या खेळाडूची अलीकडची कामगिरीही अत्यंत खराब राहिली आहे.

ind vs aus-1st-test-playing 11 captain Rohit Sharma
IND vs AUS 1st Test : ऑस्ट्रेलियाविरुद्ध टीम इंडियामध्ये होणार मोठा बदल; जाणून घ्या अपडेट

भारतीय निवड समितीने सध्या ऑस्ट्रेलियाविरुद्ध खेळल्या जाणाऱ्या कसोटी मालिकेतील पहिल्या दोन सामन्यांसाठी संघ जाहीर केला आहे. यष्टिरक्षक फलंदाज इशान किशन आणि केएस भरत यांचा या संघात समावेश करण्यात आला आहे. ऋषभ पंतच्या अनुपस्थितीत केएस भरतला प्लेइंग 11 मध्ये स्थान मिळण्याचा मोठा दावेदार मानला जात आहे. अशा परिस्थितीत इशान किशनला या सामन्यात खेळणे जवळपास अशक्य आहे.

ind vs aus-1st-test-playing 11 captain Rohit Sharma
IND vs AUS 1st Test : विराट शैली बदलणार! पहिल्याच कसोटीत कांगारूंना लोळवण्यासाठी द्रविडचा मास्टर प्लॅन

मीडिया रिपोर्ट्सनुसार, ऋषभ पंतच्या अनुपस्थितीत टीम इंडिया या मालिकेत एका स्पेशलिस्ट यष्टीरक्षकासह मैदानात उतरणार आहे. भारताची टर्निंग पिच पाहता केएस भरत शर्यतीत आघाडीवर आहे. तो टीम इंडियाच्या कसोटी संघाचाही बराच काळ भाग आहे. केएस भरतची देशांतर्गत क्रिकेटमधील अलीकडची कामगिरीही प्रभावी ठरली आहे.

ind vs aus-1st-test-playing 11 captain Rohit Sharma
IND vs AUS : संघ भारताच्या दौऱ्यावर, ऑस्ट्रेलियाच्या बड्या खेळाडूने घेतली निवृत्ती

इशान किशन टीम इंडियाकडून टी-20 आणि वनडे फॉरमॅटमध्ये खेळला आहे, तर त्याला पहिल्यांदाच टेस्ट टीममध्ये स्थान मिळाले आहे. इशान किशनने टीम इंडियासाठी आतापर्यंत 13 वनडे आणि 27 टी-20 सामने खेळल्या आहेत. या एकदिवसीय सामन्यांमध्ये त्याने 46.09 च्या सरासरीने 507 धावा केल्या आहेत, या दरम्यान त्याने 1 शतक आणि 1 द्विशतक देखील केले आहे. त्याचबरोबर त्याने टी-20 मध्ये 25.12 च्या सरासरीने 653 धावा केल्या आहेत.

ऑस्ट्रेलियाविरुद्ध दोन कसोटी सामन्यांसाठी संघ - रोहित शर्मा (कर्णधार), केएल राहुल (उपकर्णधार), शुभमन गिल, चेतेश्वर पुजारा, विराट कोहली, सूर्यकुमार यादव, श्रेयस अय्यर, केएस भरत (विकेटकीपर), इशान किशन (विकेटकीपर), आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव, जयदेव उनाडकट.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com