IND vs AUS: बॉर्डर गावसकर ट्रॉफी सामन्याच्या मैदानात अचानक बदल! काय आहे कारण

India vs Australia Test Series : भारत आणि ऑस्ट्रेलिया यांच्यातील बॉर्डर गावसकर ट्रॉफीचा पहिला सामना नागपूरच्या विदर्भ क्रिकेट असोसिएशन स्टेडियमवर खेळल्या जात आहे. या सामन्यात टीम इंडियाची पकड मजबूत दिसत आहे. या सगळ्या दरम्यान या मालिकेशी संबंधित एक मोठी बातमी समोर येत आहे. मीडिया रिपोर्ट्सनुसार मालिकेतील तिसर्‍या कसोटी सामनाच्या ठिकाणात बदल होऊ शकतो.

दोन्ही संघांमधील मालिकेतील दुसरा सामना दिल्लीतील अरुण जेटली स्टेडियमवर होणार आहे. हा सामना 17 फेब्रुवारीपासून खेळला जाणार आहे. तिसरी कसोटी धरमशाला येथील हिमाचल प्रदेश क्रिकेट असोसिएशन स्टेडियमवर 1 ते 5 मार्च दरम्यान होणार आहे. मीडिया रिपोर्ट्सनुसार या सामन्याचे ठिकाण बदलले जाऊ शकते. या मैदानावरील शेवटचा कसोटी सामना भारत आणि ऑस्ट्रेलिया यांच्यात 2017 मध्ये खेळला गेला होता.

नुकतेच एचपीसीए स्टेडियमच्या दुरुस्तीचे काम करण्यात आले, त्यानंतर हे स्टेडियम आंतरराष्ट्रीय क्रिकेटचे आयोजन करण्यास योग्य होऊ शकले नाही. बीसीसीआय बोर्डाच्या तज्ज्ञांच्या टीमने मैदानाच्या पाहणीच्या निकालाच्या आधारे पुढील काही दिवसांत अंतिम निर्णय घेईल. असे कळते की बीसीसीआयने आधीच बॅक-अप ठिकाण निवडले आहे, परंतु धर्मशाला नाकारल्यासच त्याची घोषणा केली जाईल.